خاص لـAhlyNews.com : عقوبة 5 آلاف جنيه على لاعبى الفريق .. و 15 ألف لطرد جمعة

يه مشي المحمدي وسعيود ممكن اعرف لما غاب ابوتريكه وبركات مش في مستواه

اسف من العنوان لكن هى دى الحقيقة ان لجنة الكرة اصبحت كلها عواجيز ما بيعرفوش الحلو من الوحش وهم هيكون السبب فى سقوط الاهلى وكلنا عارفين الصفقات الفاشلة واللاعيبة الحلوة اللى مشت على حساب خزينة النادى وجماهيرةوربنا يسترعلى اللى جاى الحق نفسك يا خطيب

الى كل عشاق النادى الاهلى انا بموت فى الاهلى وعمرى ما استحمل اشوفه بيتهزم بس احنا لازم نعترف ان البدر مشى ناس كانت هتنفع فى الفتره دى واولهم المحمدى اللى بدع امبارح فى الماتش اللى هو كان بيقول عليه مش بيعرف يلعب ومشا امير سعيود اللى هو خليفه تريكه بجد حرام اللى بيحص يعنى عنده واحد بديل بركات وبديل تريكه يسبهم ازاى مش عارفين ؤولنا يابدرى هتودى الاهلى لحد فين احنا عايزين الاهلى دايما فوق ودا ان شاء الله اكيد لان الاهلى فوق الجميع واتمنى ان الاهلى مش يفرط فى امير ولما يرجع من الاعاره يلعبه وهيشوف كفايه المحمدى اللى مشى وراح الزمالك وحسن مصطفى اللى هو احسن من حسام عاشور بميت مره واحمد صديق وغيرهم كل دول حراااااااااام يمشوا من الاهلى نتمنى من الاداره انها تراجع كل قرارتها وتشوف اللعيبه اللى مشيت مستواها عامل ازاى فى الانديه التانيه ويسالوا البدرى ليه دول مش بيلعبوا لماكانوا فى النادى

كدا بصراحه هوا دا التفكير الصح انو يعاقب الاعيبه لانهم مستهترين ومن حق البدرى يعمل كدا
بس بالنسبه للاخوه فى اغلب الردود بيهاجمو على الكابتن حسام مش عارف ايه السبب دا كله عشان مباراه طيب ليه مبصتوش على الدور الاول وبلاش نحس انو الدورى ضاع مع اننا متصدرين الدورى زى محنا ومفيش فريق فى العالم الا وبيخسر مباريات والا مش هيكون للدورى طعم على الاقل عشان تظهر السلبيات ونحاول نصلحها مع تحياتى
احمد السوهاجى

ايضا يجب فرض عقوبة مالية على البدرى 20 الف جنيه لسوء ادارته للمباراة

بصراحة الاهلى اصبح يلعب بدون روح لو فى روح مكناش تغلبنا مبارح بس لسة الكوارس جاية قدام بجد لازم نفكر بمدير فنى اجنبى وبصرعة مش معقول تعدى فترة الانتقالات والاهلى ميجيبش حد والبركة فى القيعى

tab3an 3shan makansh fe ela matchen weddyyeeen fe 50 yom el zamalek le3eb beta3 10 matchat 3shan keda fe ensegam bas el badry kan beyharag fe canada

اولا احنا ميفرقش معانا خسارة ماتش بس بصراحه لازم نقف ونقيم اولا الاهلى بيستغنى عن ناس موهوبين وبيعشقوا الفانلة الحمراء واخرهم احمد صديق اللى خلى الاسماعيلي له جنب يمين قوى جدا والولد بيعشق الاهلى وبيموت نفسه فى الملعب وبيلعب فى مراكز كتير ومبيتكلمش وبياخد فلوس اقل من اى نجم
ثانيا الفريق امبارح كان زى الزفت بس احمد عادل عبد المنعم واحمد فتحى كانوا كويسين ليه يتعاقبوا
ثالثا حسام البدرى المسؤل الاول عن الخسارة لان الفريق فى النص الاول لما كان الدورى بيقف اسبوع كنا بتلعب ماتش ودى او 2 الدورى وقف 50 يوم عملنا فيهم ايه ؟ مصنعش ليه باك شمال وباك يمين بدل احمد على اللى كل ماتش بيتسبب فى كارثه وكل لعبه ضدنا ومعوض مصاب وجليبرتو مصاب فين البديل من الناشيئين ومش هو برضه الى اشترى خلف ووائل شفيق والبلقاسي ومشاهم ببلاش ؟

الجماهير لازم تساند الفريق كويس ارجوكم يا رابطه مشجعي الاهلي رتبوا نفسكم كويس الاهلي محتاجكم جدا الايام دي زي ما هو محتاجكم علي طول وزي ما الاهلي متعود من جمهوره ويا ريت ما نقولش الزمالك ومعرفش ايه هو عشان احنا خسرنا ماتش نقول كده اه احنا مش واخدين علي الهزيمه لكن معلش لازم ده يحصل الاهلي نادي عريق وخسارته مهما كانت بتبقي صغيره بالنسبه للفرق الاخري اللي بتتكلموا عليهاانما طبعا بالنسبه للاهلي فهي خساره كبيره لكن هنعمل ايه عين الحساد كتير الحمد لله علي كل شئ المهم نفوق بسرعه والفريق لازم يصالح جمهوره ولازم ما ننساش ان معظم لاعبيه المنتخب من الاهلي والاعتماد عليهم اساسي في كل الماتشات وهما من اكتر اللعيبه اللي بتبذل مجهود في الملعب علشان كده كل الجوائز اللي اتخدت في انجولا كلها للاهلي ما عدا الحضري اللي هو اتعلم المهاره دي في الاهلي برضه لازم نعذرهم ومنهم اللي راجع مش في مستواه من الارهاق ومنهم مصاب لازم نصبر عليهم ونساندهم

اولا انا اهلوية جدااااا
وعادى لما نخسر دا اول متش واول هزيمة ومش لازم نزعل لان الموقف صعب على حسام البدرى واللا عبين بسبب غياب معظم اللاعبين الجامدين في الاهلى وانشاء اللة هيرجعوا في المتش القادم وربنايشفيهم ويخليهم للاهلى

[B]من غير مجاملة أنا أكرر كلامى لكل قيادى النادى الأهلى من أن كثرة التفريط فى لاعبين موهوبين كانت هذه هى نتيجته .. وانا لا أتكلم فقط عن الخسار بالأمس من غزل المحلة ولكن على العروض التى لا ترقى أبدا لمستوى النادى الأهلى .. كفايىة بقى حرام عليكم .. فرطتم فى لاعبين كثير لهم قيمة عالية وكان إخلاصهم للنادى كبير جدا .. آخرهم أحمد صديق وكمان زاد الطين بلة عندما تخليتم بمنتهى البرود والعنجهية عن المحمدى اللى فضلت يا بدرى مقعده على الدكة لما فاض به الكيل .. والله أنا لا الومه بالمكرة على أنه راح بيحث عن مستقبله حتى مع المنافس التقليدى .. إنتم أهملتوه وتستاهلوا .. وكمان أمير سعيود الذى كان يمكن أن يكون له شأن كبير معانا .. لكن نقول إيه ؟؟ مفيش فائده الكبر والالاطه والعنجية والغرور البايخ ملأت نفوس البعض ولا يروا إلا مايريدون وطظ فى مصلحة النادى .. ياريت المجلس يفكر بجد فى حل أخير للمهازل الىى يتحصل دى .[/B]

الخطا مش خطا لعيبه بس ياجماعه الخط جماعى ولا هو لما نفوز يباى البدرى بريمو ولما ننهزم يباى مطبقوش التعليمات المفروض لو فى غرامه يباى هو قبلهم ....احمد فتحى مثلا استحاله يكون ليه غرامه او احمد عادل ببساطه دول الى لعبوا وموتوا نفسهم امبارح(المساواه فالظلم ..عدل)يبأى الجهاز كله يتجازى مادام العاطل بالباطل مش هنعلق المشانق عشان ماتش خسرناه

الحمد لله على النتيجة لآنها مكتوبة عند ربنا بس الأداء مش ولآبد معلش الجاى أفضل و شد حيلكوا شوية يا أهلوية ماتش الشرطر الجمعة الجاية صعب و محتاج المؤازرة و التشجيع و بالتوفيق للأهلى و كل الأهلوية .

ليه الاهلي ماتهزمش من المحله من 95 مع ان بعض اللعيبه ديه لعبت قبل كده وليه قبل ما ندخل الماتش بنيقي عارفين احنا هانكب او نتعدل او نخسر افتكر ده عمره ما حصل قبل كده هزائم جوزيه كنا بتنفاجئ بيها وليه لعيببه بتنطرد دايما عمرنا ما كنا بنبص علي الفرق اللي بينا والفر قاللي بعدنا كنا بنشوف نتايج الماتشات بس عارفين السبب في دي كله بيقولك حسام البدر ي فاز علي ناس جوزيه مقدرش يفوز عليهم "الشرطة" بس خسرنا نقط بطريقه استحاله كانت تحصل مع جوزيه نجامل ونشجع ماشي بس مش علي حساب النادي عايزين تعرفو الاجابه خلي البدري يقولك

هناك لاعبين لا يصلحوا ان يمشوا بجوار النادى الاهلى مش يلعبوا امثال احمد على .

اولا لازم اى اهلاوى يعترف ان البدرى مدرب كبير و اى مدرب فى العالم يواجهه نفس الظروف لكان الفريق فى مركز متاخر فعلا و ليس على القمة بفرق 4 نقاط.
هناك ظروف غريبة لماتش امس اهمها :-
- الدوليين المصابون و المجهدون و المنتشون بالفوز الكبير.
- عدم وجود صانع لعب صريح بديل لابوتريكة و لا حتى شكرى و عودة بركات من اصابة كبيرة.
- الاهلى بدون العميد يفقد كثير من قوتة!!!
- لم يستفد الاهلى من فترتين انتقالات متتاليتن إلا بعبد الفضيل فى كارثة حقيقة لاى مدير فنى ( الادارة فى نوم عميقققققققققققق)!!!!!!
- ليس هناك لاعبين مبدعين و الاهلى استغنى عن المحمدى و سعيود بخطأفنى فادح و لم يعطوا الفرصة الحقيقية لعفروتو حتى الان!!!!!!!!!!!!!!!
- الحكم المهزوز جدآ و الممثل البارع لاعب المحلة.
- يجب تقييم فعلى للاعبين و خاصة المهاجمين

حسام يا بدرى أعتقد انى بعبر عن الكثيرين من الأهلاوية لما أقول إن أحمد على كفاية علية كدة ولايمكن انت شايف اللى إحنا مش شايفينة.
فرانسيس كفاية عليه كده ده ينفع خط وسط مش مهاجم ولايمكن انت شايف اللى إحنا مش شايفينه.
بركات إجلس معاه شوف أخره إيه هيلعب ولا يقدم برامج ولايمكن انت شايف اللى إحنا مش شايفينه.
أسامه حسنى كل أهلاوى عارف هو قاعد فى الأهلى ليه خليك شجاع وقول مش عاوزه ولايمكن انت شايف اللى إحنا مش شايفينه.
أحمد بلال رجل أعمال كبير قاعد ليه فى الفرقة طيب أتحداك لو هو أو أسامة يفيدوا الفريق بشئ او أحمد على بالمرة مش عارف قاعدين لية الفرق كلها بتجدد وإنت خايف تجيب حد عشان ما يطلعش زى فرنسيس ولايمكن انت شايف اللى إحنا مش شايفينه.
انت كويس يا حسام ولكن الضغوط اللى عليك أكبر منك

لازم يحصل كده عشان بقالنا 50 يوم بندلع الزمالك عمل حوالى 8 ماتشات واشترى لاعبين جدد والفرق كلها لعبت ماتشات بالهبل وإحنا لعبنا ماتش والمدرب قاعد فى الضل بيتفرج على الفرقة يا عم حسام شمر ايديك ورجليك وانزل الملعب والله يرحم الوقت اللى ضاع وش عارف الادارة ليه لم تشترى لاعبين جدد الوضع خطير يا جماعة

نفسي اعرف ليه وائل جمعة مبيتطردش مع المنتخب وفي مصر الحكام بيتهضوه وكروت صفرة وكروت حمرة
وكمان ايه دور فرنسيس في الملعب وبعدين ايه سبب عدم لعب هاني العجيزي ةبعدين مكان يبدا احسن باحمد لسيد او محمد سمير بدل وائل جمعة اتمني من الجماهير ملئ لاستاد في المبارة القادمة عشان الاعيبة محتاجة الجماهير جيدا في القاء القادم
يوجد محطة مغاربية تبع الجزائر تقريبا اسمها نسمة بتكره مصر جيدا