فى قالوا إيه علينا (12) - هجوم على البدرى .. سيطرة فيرجسون .. مجاملة فرانسيس

تقرير : أسهم مانشستر يونايتد ..... لمن تذهب ؟ (فيديو و صور)

كتبه efat : بنبض مشجع

انا مع السير يوم ما هيقول العائلة ضرت الفريق يبقى مع السلامة ولكن حتى الان بيقول ان الفلوس موجودة بس مش لاقى حد يشتريه .. سيطرة فيرجسون على عقول مشجعى مانشستر

إيهاب على : برنامج لتقوية عضلات " فرانسيس " .. وخروج " معوض " بسبب جرح بسيط

كتبه اهلاوي صميم فى : رسالة الي جماهير الاهلي

ابوس رجليكم ياجماهير الاهلي يالي في القاهرة استاد القاهرة 80 الف نفسي اشوفة علي الاكثر 40الف فقط مليانيين الفريق محتاج لحماس الجماهير قوي قوي قوي .. لا حياة لمن تنادى !!

البدرى : مباراة المصرى صعبة .. و الأهلى مازال المتصدر برغم قوة البطولة

كتبه alsultan : ياريت تشوفو حل

اولا نحن نساندك يا كابتن حسام والى الامام ان شاء الله انت والاعبين تانى حاجه رجاء من ادارة الموقع انا تعبت بجد من كل موضوع عايز اعمل عليه تعليق لازم اكتب النك نيم بتاعى والبريد الالكترونى كل شويا انا بقترح ان انتو تعملو مكان للتعليقات ونكتب البيانات مرة واحدة بدال العذاب دة حرام انا بقيت وانا نايم اقول اسمى وبريدى الالكترونى  .. سنحاول النظر فى هذه النقطة ووضع الحل الأنسب

فرانسيس يروي لـAhlyNews.com مشواره: لعبت في كأس الـUEFA و فرجسون أبدى إعجابه بي

كتبه hany : كفي إستخفافآ بالعقول

ياتري في الجزء الثالث و الرابع مع هذه الموهبه الفذه..!!! ارجوكم كفايه... حرقتم دمنا,,!!!
اي واحد عنده ذره عقل.. يري مسيره هذا اللاعب و تبديله لأكثر من 50 نادي في كام سنه... و يمضي معاه و يجيبه الأهلي,,, يبقي ايه؟؟
اقول و لا بلاش...
ارحمونا من اسلوب التعاقد المغامر و المقامر ده مع اي لاعب اسمر و خلاص...
الرحمه يا لجنه الكره.. معقوله ال CV شافها بيبو و كابتن حمدي,,, اتحداكم لو لجنه التعاقدات عرضتها علي لجنه الكره .. لا يوجد جزء ثالث أو رابع ولا نستخف بعقول القراء

كتبه احمد توفيق : فرانسيس الكحتان

هههههه انا والله مش عارف الموقع معجب باللاعب دا ازاااى ياااجماعه دا بيقولك فيرجسوووون عليه العوض .. الموقع غير معجب بأى لاعب ، فقط ننقل الصورة ونحاول الوصول للحقيقة

كتبه محمد البطل : الفكر الاحترافى

يا جماعة فين الفكر الاحترافى اللى بنقول عليه الاهلى فريق كبير ومن المفروض اننا منتعملش بالقطعة الواحده من فترة ايام جوزيه كان مصمم على فلافيو وحمهور الاهلى كله كان بيقول ده ميعرفش حاجة فى الكورة وهم هم اللى بيقولوا اله يرحم ايامك يا فلافيو ممكن اوى يكون سوى حظ للاعب وعلى فكرة اول ما لعب كانت لمستة للكرة جميلة وفى مثل كبير ومعى احترامى للنجم الكبير ابوتريكة هو كمان بيمر فترة سوى حظ اصابات وبعد عن المستو ويارب نصبر شوية ونكون عندنا احترافية اكتر من كده .. أتفق معك لكن "الجواب بيبان من عنوانه"

متابعة خاصة : تدريب تكتيكي .. تقسيمتين بطول الملعب .. تصحيح الأخطاء

كتبه hossam : التشكيل

انا يوم ماتش الجيش قولت التشكيل و كان بالظبط فلو اللمره دي كمان صح انا اروح ادرب الاهلي احسن
اكرامي
علي-جمعة-شريف-معوض
فتحي-عاشور-شبيطة
حسن-بركات
متعب
التبديلات
شكري-عفروتو-تريكة .. من غير ما نستنى إنت تدرب من دلوقتى :D

متابعة خاصة : تقسيمة قوية .. غياب " شبيطة " بسبب التجنيد .. تأهيل " متعب "

كتبه اهلاوي مصراوي : احذر مجلس الادارة

سلام عليكم رسالة الي جماهير الاهلي من اهلاوي صميم حتي النخاع مستوي الاهلي غير متزن تماما يوم فوق ويوم تحت الناحية الفنية مهزوزة جدا المستوي الفني لبتروجيت والزمالك والاسماعيلي والانتاج الحربي والحرس افضل بكتير لكن الشئ الفارق مع الاهلي ومخلي الاهلي في الاول اللاعبين الخبرة فقط انما موضوع الناشئين هذة مجرد حماس في الملعب للاعبين شباب اعتقد ان المشكلة مش في اللاعبين تماما المشكلة في المدرب وبعض اللاعبين الذي اصبحوا مجرد عواجيز يجب التخلص منهم لانهم مهما عملوا مش حيئدوا ذي الاول لسنوات طويلة ذي تريكة بركات جمعة ومتعب وحسن
حعيد واقول ان الزمالك هو المرشح الاول للدوري مش السنة القادمة لأ السنة الحالية ويلية بتروجيت والاسماعيلي والمصري
الاهلي بيبص علي النقاط ومبيهتمش بالاداء فمابيخدش ولا النتيجة ولا بيمتع .. الأهلى مرشح للفوز بعد الدورى بعد الزمالك والإسماعيلى والمصرى ؟! أكيد بتهزر

كتبه mohmed : الاهلى فوق الجميع

ياجماعه لو سمحتم ممكن كلنا نروح الاستاد بجد علشان الاهلى محتجنا ونبقى زى جمهور الزمالك وابوس ايديكوا محدش يتفرج على الماتش على دريم علشان المعلق وشوه وحش .. إيه علاقة دريم بمستوى الفريق ؟!

متعب يعلن رفضه للزمالك ويؤكد : لن ألعب فى مصر سوى للأهلى

كتبه omar : الاخ الزملكاوي

لو سمحت الاخ الزملكاوي ياريت ملوش دعوة بالموقع لانة لجماهير الاهلي و الاهلوية و يارت متدخلش هنا تاني و بعدين أنتا تخليك في فريقك و خليكوا فلي أنتوا فية .. بعد إذنك يا عمر الموقع يرحب بكل الجماهير أصحاب التعليقات "المحترمة" من كل الأندية

كتبه mody : الرجالة

يا جماعة عماد متعب دة راجل مش هيفرط فى الاهلى الا لعرض فى الخارج مش زى حسين ياسر وشريف اشرف .. أنا معاك

خشبة لـ AhlyNews.com : البدري إجتمع بالدوليين .. وثقتنا كبيرة في " عماد متعب "

كتبه ahlawi : خبر لأطفال فقط

هو في عصر الإحتراف شيء اسمه و اثقبن في اللاعب..!!!!
العقد شريعه المتعاقدين يا كابتن خشبه...
كلام فاضي و لا يدخل دماغ اي واحد .. معاك بردو !

كتبه alsultan : الى الاخ اهلاوى

طيب ماهو متعب لو كان عايز يوقع لاى نادى مش نادى الزمالك بس كان وقع فى فترة الانتقالات بشهر يناير الماضى ؟ وبعدين زوار الموقع مش اطفال علشان يفهمو الموضوع زاى مانت مافتهمو زوار الموقع ناس بتعرف تميز بين الصح والغلط واللى مش قادر يميز يبقا العيب فيه هو مع احترامى ليك .. طبعا زوار الموقع مش أطفال "لا تحتاج لتعليق"

السيد بعد شائعات رحيله : أقسم بالله لم أوقع للمصرى !

كتبه اهلاويه : تناقض غريب

ياجماعه هو انتوا مش قولتوا على نفس الموقع انه كامل ابو على كان لسه قاعد مع اللاعب من ساعات وانه المراسل بتاعكو عرف الخبر حصريا انه احمد خلاص حيروح المصري
سبحاااااااااااان الله لحق كامل ابو على يسافر
والمراسل برضه هو اللي عرف ده
اكيدفي احد الخبرين غلط
ارجو الاهتمام لمصداقيه الموقع .. نحاول الوصول للخبر بسرعة وفى بعض الأحيان نحصل على معلومات غير دقيقة لكننا لا نخجل من نشر الأخبار الصحيحة "كما حدث"  

كتبه hossam :

يا موقع يا نايم احمد السيد و احمد بلال مضو للمصري خلاص و الخبر ده في جريدة اليوم السابع .. يا موقع يا نايم ؟! . شكرا

كتبه UA 07 فى الأحد : !!

عاوز تجدد يبقى اهلا وسهلا
مش عاوز يبقى اهلا وسهلا برضو ومع 1000000 سلامه
الاهـــــــــــــــ فوق الجميعـ ـــــــــــــلى .. تمـــــــــــــــــــــــــــــــــــــــام "الأهلى فوق الجميع"

محاولات من الأهلي لتأجيل قمة الشباب و توقع بالرفض

كتبه Amany : بلاش نشمت من فضلكم

أولا لأننا الأهلاوية محترمين وبنشجع نادينا بدون تجريح فى أى أحد علشان هذا ليس من صفات الناس المحترمة .. ولا إيه ؟؟ ثانى حاجة أن الشماتة ليست من الصفات الحميدة أبدا ولن تكون. ياريت نخلينا فى تشجيعنا المحترم لنادينا العريق بدون أى إسفاف أو إستهانة بأحد .. ربنا معانا ونأخذ الدورى بشرف وإجتهاد وأولا وقبل كل شئ بتوفيق الله سبحانه وتعالى.
أمانى .. التعليق الأفضل

كتبه علاء : اين حارسي الاهلى الثلاثة

اين احمد عادل عبدالمنعم اين رمزى صالح اين شريف اكرامى اين احمد ناجى بس .. مش فاهم قصدك

مايفوتكش ................ ؟

كتبه BeltaGY™ : Bravoo

بصراحه أنا مابدخلش هنا كتير بس الحقيقه إنتوا موقع متميز...إستمروا وإن شاء الله القادم أفضل .. شكرا وأتمنى إنك تدخل كتير

كتبه kareem adel ahlynews : BRAVOOOOOOO!!!!

WONDERFUL "MAYFOTAKSH" YA MIDOOOOOOOO .. بس يبنى إنت :D

متابعة خاصة : مسلسل الإصابات يستمر .. وشوبير فى النادى الأهلى

كتبه احمد ممدوح رشاد : اتمنا الوقوف بجانب شوبير

طبعا معروف من هو هو من اخترع القنوات الرياضيه وكل من على الساحه لان هو من اظهرهم وعلمهم التحليل والجلوس فى البرامج هو من مشى على خطاه الكثير من الصحفيين والاعبين هو من ارشدهم على الطريق هو من جعل البرنامج الرياضى قضيه وليس خبر رياضى @شوبير لقناة الاهلى ياريت .. الإعلامى "الأنجح" فى مصر

خاص لـAhlyNews.com البدري : أحترم أحمد السيد و قرار التجديد بيده وحده

كتبه نها الاهلوية جدا : مينفعش كده

اللي ك/ احمد السيد بيقول عليه ده مينفعش يعني ايه مش هيجدد غير لما ك/البدري يوعده انه يلعب !! بدل ميقول كده يحسن مستواه عشان يلعب صحيح كل لعيب بيبقى عايز يلعب اساسي بس ميبقاش ده شرط لتجديد عقده لو شايف ان فرصته في المشاركة قليلة يبقى يصبر او ميجددش .. لا يحدث إلا فى مصر

بالصور : شاهد دعم الجمهور الإنجليزي لقائد منتخبهم "تيري" ، و الثنائي الطويل "كراوتش"و القصير"فيليبس"

كتبه محمد جمال : تيرى الخائن

لو تيرى ده لاعب فى مصر مكنش شم الملعب تانى نهائى مع ابو كريم .. حلوة أبو كريم دى

إستفتاء AhlyNews.com : أحمد عادل يقتنص لقب "حارس عرين الأهلى" بعد منافسة شرسة مع إكرامى

كتبه hossam :

خلاص انا موافق ان مالكش دعوى يقف فعلا هو انسب واحد في الوفت
ههههههههههههههههههههههههههههههههههههههههههههههه

كتبه مالكش دعوي :

ولا شريف ولا عادل انااللي هاقف غصب عن التخين .. أنا بأة مش موافق

شبيطة لـAhlyNews.com : سعيد بأدائى فى مباراة الحامول وأسعى لتقديم المزيد فى الفترة القادمة

كتبه alsultan : اتمنا

اتمنا ان تحرز الإربع اهداف فى مبارة راسميه وانت لاعب ممتاز وانا بحبك يا بروس لى الكرة المصريه .. يـــــــــــــــــا رب

متابعة خاصة : بركات يعود بعد "عين السمكة" .. مران خفيف .. تدريب على التسديدات

كتبه اهلاوى : اللي بيسأل ايه هى عين السمكه

احب اعرفك ان عين السمكه هى نوع من انواع الحسد يعنى فيه مثل شعبى بيقول عين السمكة فيها شبكه زى بالضبط عين الحسود طول العمود فالحمد لله ان محمد بركات لحق نفسة وراح لدجال فك عنه عين السمكة والحمد لله ربنا يبعد عنا كلنا عيون السمك انشر يا عندليب ابوس رجلك انا هتجنن من العالم دى .. بتهزر صح ؟!

مصر تتراجع سبعة مراكز في تصنيف الفيفا قبل مواجهة الإنجليز

كتبه محمد خميس البوريدى : الفراعنه قادرون

الفراعنه قادرون على الفوز انشاء الله على الانجليز...بقوه ايمانهم والعزيمه التى يتسمون بها .. الكرة ليست عزيمة وإيمان فقط يا أستاذ محمد

جيرارد : مصر فريق قوي .. وسعيد بحمل شارة قيادة الإنجليز

كتبه (طه)_(من المحله) : بنحبك ياجيرارد(مصر ام الدنيا)

مفيش حد مبيحبش مصر وجيرارد خط وسط زي العسل تحيا مصر والامم المتحده .. أى كلام هههههههه

البدري غاضبا : أرفض المعاملة بالقطعة و لا يوجد أزمة حراس بالنادي

كتبه emad : العجل لسة ماوقعش

العجل لما يقع تكتر سكاكينه .مثل معروف لكن مايحدث الآن أن السكاكين مسنونة وموجهة لرقبته قبل أن يقع, إذا عدنا بالذاكرة لبداية الموسم كان الجميع يتوقع انهيار الأهلى وأن الدورى محسوم للزمالك والآن ونحن فى الدور الثانى الأهلى مازال على القمة فأين هو الانهيار؟
الاهلى يحافظ على الدورى أثناء مروره بمرحلة تغيير شامل,شئ صعب أن يحدث من أى فريق فى العالم,ارجومك ارحموا الأهلى ,عودة الزمالك لن تكون بالتقليل من شأن الأهلى .. أتفق معك فى التعليق وأختلف بشدة فى التشبيه

قالوا إيه علينا (11) : "مرتضى - شوبير" .. عضلات فرانسيس .. غضب طير الوروار

كتبه ahlawy4 ever فى : اغنية للبدرى

عاوزين نعمل اغنية للاهلى يغنيها مطرب من المطربين الاهلوية الجامدين ايهاب او تامر او حماقى او اى واحد المهم تكون عن امجاد الاهلى ونعظم فيها البدرى

كتبه medo : سماح المرة دى

ماشى يااساتذة سماح المرة دى عشان مانشرتوش تعليقى بس والله العظيم انا كتبت تعليق لائق وماشتمتش فية حد خالص انا كل اللى كتبتة اننا لازم نساند كابتن شوبير ضد الطاغية لانة ابن النادى اللى بنعشقة بس وشكرا لهتمامكم بتعليقاتنا يارب للامام دايما ليكم ولنادينا الحبيب الغالى

كتبه احمد ابراهيم: شكرا

شكرا علي الرد

كتبه دكتور عبدالعليم : قالوا علينا ديابه

بجد فكره كويسه الي الامام يا اهل الخير

 تنويه :

 إيمانا من كإدارة الموقع بضرورة التواصل ، أرجو من كل أصدقاء وقراء موقع AhlyNews.com فى تقييم الموقع و إرسال كل طلباتهم من خلال تعليقاتهم على "قالوا إيه علينا" ونعدكم ببذل كل الجهد لتلبية كل طلباتكم

"قالوا إيه علينا" من إعداد : مصطفى سلامة