Ahlynews Forum
ZuluTrade - Autotrade the Forex Market like never before!
الجمعة 20 أغسطس  - 21:30
الأهلـى                         طلائع الجيش
الدورى المصرى
الأحد 6 أغسطس
الأهلى 0                      0 إتحاد الشرطة
الدوري العام
نقاط لعب
الفريق الترتيب
3
1
وادي دجلة
1
3
1 المصري البورسعيدي
2
3
1 إنبـــــــي
3
3
1 الإسماعيلى
4

خاص لـ AhlyNews.com : البدري : صوت " علاء صادق " يزعجني .. وراض تماماً عن أداء الفريق

أخر تحديث فىالثلاثاء 30, نوفمبر 1999 , 00:00
كتبه : محمد حشيش , فى الخميس 11, مارس 2010 , 00:00

في تصريحات خاصة لـ AhlyNews.com  رد الكابتن " حسام البدري " المدير الفني للنادي الأهلي على الإنتقادات التي وجهها إليه الإعلامي " علاء صادق " واصفاً إياه بأنه يحب " الفرقعة الإعلامية " وأنه شخصياً لا يستمع إلى الراديو لأن صوت " علاء صادق " يزعجه كثيراً ، بينما أكد " البدري " على رضاه التام بالمستوى الذي ظهر عليه الفريق اليوم أمام المصري .

 

خاص لـ AhlyNews.com  : البدري : صوت \" علاء صادق \" يزعجني .. وراض تماماً عن أداء الفريق

 

 

وكان " البدري " قد رد بشدة على تصريحات " علاء صادق " التي أطلقها عبر أثير الراديو أثناء مباراة الأهلي والمصري والتي أكد خلالها على ثقته المطلقة في أن الأهلي لن يفوز في اللقاء حتي ولو إستمر اللقاء حتى اليوم التالي مما جعل " البدري " يرد عليه قائلاً " لا أستمع إلى برنامجه بالراديو لأن صوته يزعجني " .

 

وعن اللقاء أكد " البدري " على أن الفريق إفتقد لمهارة إنهاء الهجمات في الشوط الأول على الرغم من السيطرة الكبيرة التي سنحت له وهو ما نتج بسبب رغبة اللاعبين في تحقيق الفوز وتسجيل هدف مبكر بالإضافة إلى التكتل الدفاعي الذي لعب به فريق المصري طوال اللقاء .

 

وقال المدير الفني للأهلي " لقد لعبنا طوال الشوط الأول ونحن نعتمد على طريقة " 4/2/3/1 " وهو ما جعل الهجوم يفتقر إلى الكثافة الهجومية لكننا تداركنا ذلك خلال الشوط الثاني ودفعنا بـ " محمد فضل " بجوار " متعب " مما نتج عنه خطورة كبيرة لصالحنا أدت إلى هدفي الفوز " .

 

وأضاف البدري " إننا نؤدي بطريقة جيدة ونستطيع السيطرة على جميع أرجاء الملعب وخاصة خط الوسط ولكن هناك سؤ توفيق غريب يلازم الفريق بطريقة كبيرة ونتمني أن يساندنا التوفيق في المباريات القادمة خاصة أن جميع اللقاءات القادمة في غاية الأهمية ونحن سنتعامل معها على أنها مباريات كؤوس " .

 

وأكد " البدري " على أنه راض تماماً عن المستوى الذي يقدمه الفريق في الوقت الحالي مشيراً إلى أن الجهاز الفني يحاول أن يتعامل مع جميع الظروف الصعبة التي تحيط بالفريق منذ بداية الموسم من إصابات وغيابات كثيرة للعديد من الظروف الأخرى " .

 

وعن مستوى فريق المصري قال " إن المصري أدى بشكل جيد وتطور كثيراً خلال الفترة الأخيرة وهو الحال بالنسبة لجميع الفرق في الدور الثاني وهو ما أدى إلى تقارب مستويات الفرق مما يجعل جميع اللقاءات صعبة ولا يمكن التنبئ بنتيجتها " .

 

وفي نهاية حديثه طمأن " البدري " الجماهير الأهلاوية بأن مشوار الدوري لايزال طويلاً ولكن الأهلي هو الأقرب لتحقيق اللقب ولا يوجد أى قلق لدى الفريق مشيراُ إلى أن القلق إن وجد يكون إيجابياً في صالح الفريق .

 

الجدير بالذكر أن النادي الأهلي قد تمكن اليوم من تحقيق فوز صعب للغاية وهام جداً على فريق المصري البورسعيدي في الدقائق العشر الأخيرة من اللقاء مما جعله يزيد من فارق النقاط إلى ثمان نقاط مع أقرب منافسيه في إنتظار إستكمال مباريات الجولة 20 غداً .

 

متابعة : صفوت عبد الحليم

 

 

كتبه ابو الصدمات فى الأحد 21, مارس 2010 , 22:57 الاهلى
الثقه معدومه فى الجهاز واللعيبه ياريت تجدد الثقه
كتبه عبدالحميد الشمارقة من دمنهور فى السبت 13, مارس 2010 , 12:43 البدرى بطل بكل المقاييس
يا جماعة الكابتن حسام ماسك الفرقة بعد خمس سنين من العظمة الكروية والانجازات الافريقية والدولية ماسك بعد راجل غير مفهوم الكورة فمصر ماسك النادى الاهلى تخيلو كم الضغط اللى عليه يعنى هوا مطالي بتحقيق نفس الانجازات والراجل لحد دلوقت انا شايفه ماشى كويس بيتغلب على ظروف لو قابلت اى مدير فنى كفيلة انها تدمر نفسيته وفرقته والمتشة اللى جاية دى محدش يبص لاداء دى متشة بطولات يعنى نتيجة وبس وشوفو والنبلى ازاى الفرق قدام الاهلى بتبقى بتلعب بغل غير طبيعى الاعيب ابو شلم بيبقى بمليون ىقدامنا ده لانننا افضل نادى كله عاوز يهزم البطل مع احترامى للزمالك مش بيلعبو تحت ضغط لانهم مش مطالب منهم دورى او غيره دول اصبحو لو خدو التانى يبوسو ايديهم شعر ودقن ارجوكم بدل ما تنتقدو الكابتن حسام البدرى دعموه ولو تلاحظو ان الزمالك مجبش حسام حسن الا بعد ما الاهلى بدا يعتمد على الكابتن حسام البدرى وعمل نتائج ممتازة وانا بقله يا كابتن حسام كان الله فعونك لاننا جماهير ادمنت البطولات واصبح بيجرى فدمنا دم البطولة وانت واحد مننا وانا بشكرك نيابة عن كل جماهير دمنهور التى تعشق النادى الاهلى وتحب اى فرد ينتمى ويقدم لنادينا الحبيب وندعمه لاخر وقت لاننا نعلم انه لا يقصر فى خدمة نادينا واوجه رسالة للاعبين العبو عشاننا ومتعونا ومتعو نفسكم وهاتولنا بطولتنا المفضلة وطز فاى حد مش بيحترم ولا يقدر النادى الاهلى كنج مصر وافريقيا
كتبه بودى الرايق فى الجمعة 12, مارس 2010 , 16:23 البدرى جامد
والله يابدرى كلنا معاك بس يريت تهدى على احمد حسن شويه دى مهما كان دى عميد الكره المصريه ومتعب دى راس حربه مفيش زيه بس الحظ بقه وانشاء ربنا هيكرمه ويرجع متعب الحراس وريت شريف اكرامى يعقد شويه على الدكه اما بركات ده الدلع كله والهشتكه يابروكته يريت ترجع لمستواك وربنا يزدك والعوده الجميله لتريكه الباشا عم الشباب
كتبه محمد فى الجمعة 12, مارس 2010 , 12:13 البدري أحسن مدرب
البدري أحسن من جوزيه بمئة مرة
كتبه محمد فى الجمعة 12, مارس 2010 , 09:01 مساندة الجميع
لو تحلي لاعبوا الأهلي برغبة الفوز سيفوزوا علي فكرة لاعبو الأهلي أفضل و اكثر خبرة من الزمالك بس الروح ودي مسئولية الجماهير والإدارة فين الفنانين محبي الأهلي ليه المدرجات خالية فين الأجيال السابقة يا ريت تظل مساندة الإدارة و نراهم دوما في المدرجات لحد الحال ما يتصلح الحل معسكر مغلق لحد الصورة ماتتضح
كتبه omar فى الجمعة 12, مارس 2010 , 00:12 ايه رايك يا بدرى
ايه راى المدرب العبقرى اللى ساب حسين ياسر للزمالك علشان ياخد بيه الدورى ويحسر جماهير الاهلى ؟
ياترى ايه راى لجنة النوم فى العسل فى مستوى حسن مصطفى اللى رموه ببلاش ؟
تحياتى الى الشخص الذى دائما يصدمنا بالحقيقة المرة د. علاءفهو الشخص الوحيد الذى لم يطبل ويمشى مع الموجة وقال الراى الصحيح فى البدرى وفرقته بكل واقعية .
كتبه haisam فى الخميس 11, مارس 2010 , 22:08 هو فيه ايه
ايه اللى حصل فى الاهلى شتان الفارق فى الاداء والمستوى بين الدور الاول والتانى على الرغم من الاصابات الا ان الاهلى عمره ماوقف على لاعب مهما كان حجمه ونحن نعلم ان مقارته البدرى بجوزيه ظالمه لان جوزيه كان معاه فرقه والان هو وقت الاحلال ولكن مش مره واحده لازم البديل يكون بنفس المستوى لان ده الاهلى فريق بطولات مطلوب منه الفوز فى كل المباريات بصرف النظر عن الخصم
كتبه malak فى الخميس 11, مارس 2010 , 16:00 بالحب نصنع معجزات
نثق كل الثقة فى امانتك وفى قدرتك وكفائتك واخلاصك للنادى والجمهورة...ومهما يحدث نعلم حبك الكبير الجدير بالاحترام لعملك ...انشر وزيع الثقة لللاعبين فنحن نريد رجالا وارجل قوية ثابتة وعزيمة من الصلب والحديد قبل اى بطولة... لايهمكم احد فنحن الاهلى تذكروا البطولات والصولات والجولات التى خضناها ...نحن الابطال وبالحب نصنع معجزات ...والاهلى الحب الاكبر 
كتبه محمد فى الخميس 11, مارس 2010 , 15:10 طبيعى
يا اخوانا اللى بيحصل ده طبيعى فاى فريقبتحصله هزة بتكون مباراة العودة الى المستوى عنق زجاجة وانتظرو الاهلى فى المباربات القادمة
كتبه بيبو فى الخميس 11, مارس 2010 , 14:47 ahlawy
فين الكوره الجميله بتاعت الاهلي , فين الضغط من نص الملعب , فين الاطراف , فين الاهداف الملعوبه , فين تثبيت التشكيل , فين التحرك بدون كوره , فين اللعب من لمسه ولعبه , فين الجراه في اخراج الاعب اللي مش موفق , فين الكتشنه , فين شخصيية المدرب , فين ايامك ياجوزيه
كتبه نها الاهلوية جدا فى الخميس 11, مارس 2010 , 14:43 الهجوم على البدري
ايه كل الهجوم ده على البدري ؟! كل واحد عامل فيها مدير فني و عارف كل حاجة و محسسني ان البدري ده عمره ما لعب كورة ومعندوش اي فكرة عن اي حاجة مع ان أي حد من اللي بيهاجموه لو كان مكانه مكنش هيعرف يعمل اي حاجة..صحيح كل واحد من حقه يقول رأيه وينتقد البدري بس مش بالطريقة دي ولا بالاسلوب ده.. ياريت يكون في هدوء و صبر اكتر من كده لان مش وقته خالص الكلام ده
كتبه شريف فى الخميس 11, مارس 2010 , 14:21 بدرى اوى
والله جماهير الزمالك دى حاجه تقرف كانو مكنومين من سنين دلوقتى علشان فازو كام ماتش ابتدو يتكلمو امال لو بينافسو على الدورى كان ايه حصل
خليكم فى خبيتكم الكبيرة ولسه بدرى اوى علشان تفتكرو انك وصلتو للاهلى او ربع الاهلى
كتبه Omar فى الخميس 11, مارس 2010 , 14:16 انا سمعت علاء صادق فى الراديو
هو مقالش حاجة فيها قلة أدب عليك يا كابيتن حسام.....هو كان بينتقد الاداء و التشكيل و اعتقد اننا كلنا كنا بنقول نفس الكلام لأن الموضوع واضح...فى لاعبين انت بتلعبهم على حساب لاعبين أفضل فنيا بكل المقاييس زى مثلا فضل و بلال و زى الاعتماد على متعب وحيدا رغم ان الكل عارف ان نسبته التهديفية ضعيفة....و مش معنى انك بتغير الدماء ان الاداء يبقى هزيل لأن الفرق الكبرى بتغير لكن دايما بتحافظ على ادائها عن طريق اختيار اللاعبين الأفضل و الأكثر تأثيرا فعلا
كتبه حمادة ابن المنصورة فى الخميس 11, مارس 2010 , 12:51 المنصورة والاهلى فوق الجميع
يارب المنصورة متنزلش علشان فرقة كويسة والله وكلنا وراكى يا بلدىومبروك الدورى يا اهلى منصورة يا عمرى افدية بروحى ودمى والساعى مش هيكون غير لاهلى
كتبه MANGA AL AHLAWYA فى الخميس 11, مارس 2010 , 12:43 نحن لا نرد على الجهلاء يا احمد و انظر لتاريخ ناديك
الاهلى كبير طول عمره و تاريخه معروف و لم يكن مختلط و لا انشاؤه انجليز النادى الاهلى مصرى منذ انشاؤه و سيظل و لن ننسى ان سعد زغلول كان اهلاوى و لن ننسى ان النادى الاهلى كان مقر التطوع ايام الحرب و لن ننسى تكريم الرئيس جمال عبد الناصر لنادينا العظيم و ذلك لدوره الفعال و المحترم وقت الحرب و هناك الكثير يا زبلكاوى و لكن ايدى وجعتنى من الكتابة و لكنى اوعدك ان اكتب لك مرة اخرى عن تاريخ الاهلى العظيم لكى تعرف تاريخ رمز من رموز بلدك و لكى تتحصر على ان مولدك كان جحيم على البشرية لانك لاتعترف بالحق و تتدعى ما لا صحة له
كتبه w_fox فى الخميس 11, مارس 2010 , 12:26 الزملكوية عيزين اية
انا مش عارف الزملكوية ماهم مش يخلوهم فى ال حسن المطرودين من الاهلى كل منطرد حد يخدوه عشان كده هيفضلوا طول عمرهم تحت بس برده لو جتلهم صحوا ممكن يرجعوا للمركز بتعه التانى واعتقد ده اقص طموح ليهم وبس اشك كمان انهم يرجعوا للمركز بتعهم
كتبه dodo فى الخميس 11, مارس 2010 , 11:08 اقسم بالله جهل
بقولكم ايه كل زملكاوي بيستعبط في المنتدي هنا بحذره لو دخل هنا تاني هو انتم معندكوش منتديات تكلموا فيها جايين عاملنلي اهلاويه ومتأثرين,..
حسام البدري مدرب محتلرم مش الصايع بتاعكم سيبونا في حالنا وسلمولي علي ميت عقبة اللي اتقفلت ماتشين ورا بعض.
كتبه وليد فى الخميس 11, مارس 2010 , 11:01 فعلا صوتة مزعج
انا اوافق الكابتن حسام فى ان علاء صادق صوتة مزعج و اضيف انة غير محايد و بيحب يتميز بالراى المخالف و لو صادف انة راية طلع صح يبقى هو توقع اللى محدش عرفة شخص غير سوى و انا لا احبة
كتبه شوقى فى الخميس 11, مارس 2010 , 10:59 يا كابتن حسام.... عفوا
بص يا كابتن... امبارح فى نص الشوط التانى انا ابتديت اتساءل... هو كان ربنا ساترها معانا فى الدور الأول و ابتدينا ننكشف و لا ايه!ده كان انطباعى عن الفرقة...يا كابتن الاحلال واجب لكن بالعقل... لازم فيه مراكز يكون فيها لعيبة على مستوى ترفع الجدد...انا قلبت القناة فى وسط الماتش و اتفرجت على الهلال السعودى... بصراحه الأهلى مستواه متدنى جدا...مش ده مستوى أحسن فريق فى افريقيايا كابتن... و لو كان الزمالك جاب التوءم من أول الدورى... كان زمانك رجعت مدرب مساعد... اللى مساعدنا هو ان الفرق التانية كانت وحشه..مش احنا اللى كويسين.. وهى دى الحقبقة...لكن الواضح ان الوضع مش هيستمر كده لانهم شدوا حيلهم... علاء صادق كان عنده حق...و بداية النجاح هو تقبل النقد... خصوصا لما تكون لسه بتحبى ...هى البلد دى ايه...مافيهاش حد بيغلط؟؟؟ ايه العنجهية دى؟؟ امال جوارديولا يعمل ايه؟؟؟
كتبه محمد سامي الاهلوي فى الخميس 11, مارس 2010 , 10:25 الكبير كبير
الي الكابتن حسام البدري ان خطبك السفيه فلا تجبه فخير من اجابته السكوت (ومن يكون علاء صادق ده اللي ينتقدك عاوز تعرفه هتلاقيه عامل مشاكل مع طوب الارض حته مع نفسه ده ممكن وهو بيحلق دقنه يحتج علي الموس اللي بيحلق بيه
كتبه ماهر فى الخميس 11, مارس 2010 , 10:21 عيب عليكوا ياناس مش كده
[B][RIGHT]اولا كل التحيه للكابتن حسام البدرى على المجهود الى عملوا مع الاهلى لو جوزيه كان موجود مكنتوش هتشوف لاعب واحد من الشباب الجدد كل الاحترام والتقدير للمدرب القدير حسام البدرى كلنا المفروض نرفع القبعه له تحياتى عاشق النادى الاهلى [/RIGHT][/B]
كتبه محمد عادل فى الخميس 11, مارس 2010 , 09:12 ماشاء الله كلكم اذكيه
صح يا جماعه حسام البدرى ده مدرب مش كويس بدليل انو خسر متش واحد وهوه اولب موسم ليه ومغير الفرقه كلها وهو اول الدورى من اول اسبوع مع ان جوزيه السنه اللى فاتت خسر اربع متشات بس هوه كان حلو ووصلنا لمتش فاصل واللاعيبه كانت بتموت بس هوه حلو اما حسام البدرى لالالالالا مش كويس

للاسف هوه الده الشعب المصرى ملوش راى فى اى حاجه ومفيس جمهور فرقه فى العالم بيعمل كده مع فرقتو بس لازم نئازر مش نطلع العيوب اللى فى حسام البدرى افهمو الاول بعد كده اكتبو
كتبه محمد البطل فى الخميس 11, مارس 2010 , 08:05 حراااااااااااااااااااام
يارجاله ياللى بتتفرجوا على النادى الاهلى لازم تراعوا ان النادى بيمر بمرحلة احلال وتجديد دماء واحنا كجمهور بيحب فريقه لازم نقف جنب البدرى ونسانده ونحيه انه قبل التحد فى الوقت الراهن لو ده مدرب اجنبى كونا ومكنش متصدر الدورى كنا هنقول اصله لسه بيبنى فريق جديد حرااااااااام عليكوم ارحمونا
كتبه h_medo74 فى الخميس 11, مارس 2010 , 00:11 مطلوب الصبر على الفريق والحشد الجماهيري
مع احترامي الكامل للكابتن حسام البدري وجميع المدريين الفنين عل اختيارهم للتشكيل لانه حق أصيل لهم .... ولكن كابتن بدري تشتكي من عدم وجود كثافة هجومية ويوجد محمد طلعت واسامة حسني خارج الــ 18 وتبدأ بمهاجم واحد فقط كذلك عبدالله فاروق الغير موفق ( كم مسيباص خرجت منه خلال مباراه المصري ) على الرغم من وجود لاعب بحجم مصطفي شبيطه في الاحتياط لاعب قوي ومميز دفاعيا وهجوميا ( خاصة التصويب على المرمى ) وتبديل شهاب احمد رغم لعبه بالأمس مباراه كاملة لمدة 90 دقيقة في فريق 20 سنة مبروك لجماهير الأهلي وللجهاز الفني واللاعبين ومجلس الإدارة وحسن فعل حسام البدري بتغير احمد حسن المجهد جدا والبعيد عن مستواه

لكن القادم اصعب واهم واحذر من مباراه بترول اسيوط حيث درجة الحرارة واللعب في توقيت مختلف
اتمنى التوفيق للنادي الاهلي ومنح الفرصه لشبيطه وطلعت

جمعه ... صخرة بجد برفوااا
احمد على ... مزيد من التركيز والهدوء
احمد السيد ... حمد لله على السلامة
اكـــرامي .... مطلوب منك اكثر من ذلك
حسام عاشور .... مطلوب منك تركيز أكثر
أيمن أشرف .... جيد ولكن محتاج الصبر والاجتهاد
عماد متعب ....... راس حربة بجد وقناص مصر الأول
عبدالله فاروق ..... لماذا الاستعجال كن هادئ وركز
أحمد شكري ........ جيد جدا وأفضل ثاني لاعب بعد جمعه
احمد حسن ............ يكفيك شوط واحد فقط مرهق جدا
بركات ............. بدأت ترجع لمستواك الزئبقي ولكن ليس بعد
تريكه .............. لم يعود بكامل قوته بعد
شهاب .............. جيد ولكن يجب التركيز

مطلوب المؤازرة والصبر على الفريق خصوصا أن معظمه شباب ومتاج مزيد من الوقت للانسجام

جماهير الأهلي عيب عليكم الاستاد يبقي فاضي في لتوقيت اللي اللاعبين محتاجين الجمهور وراءهم عيب مطوب حشد الجماهير وعلى الإدارة تسهيل مهمة الجماهير

اشكركم
كتبه mohmmed فى الأربعاء 10, مارس 2010 , 23:31 مستوى مزبزب
رعم الفوز الغالى على المصرى 2/0الا ان المستوى غير لائق بالنادى الاهاى
*الإسم :
*البريد الإلكترونى :
عنوان التعليق :
 
*التعليق :
*أدخل الحروف :
Refresh/Change Picture
  Add Your Comment