في قالوا إيه علينا (24) .. النصرة لفلسطين .. البدري = مورينيو .. "إبراهيم عيسى"

كتبه أحمد

وجهه نظر أرجو نشرها

معلش أنا ليا وجهة نظر أتمنى نشرها على الموقع في العدد الفادم من قالو علينا
الصفقات اللى محتاجها الأهلى 4 لاعبين فقط
شوقى وغالى و إيهاب المصري وأحمد دويدار (أو معتصم سالم)
ليه
وجود شوقى وغالى في وسط الملعب شيجعل الأهلى بلا حاجه لبال يمين
لأن أحمد فتحى هيشغله
وكمان شريف بيلعبها و عبد الله فاروق وأحمد على

والأهلى محتاج مهاجم هداف وإيهاب المصري هداف وسنه صغير

ومحتاج قلب دفاع سريع
وأنا بفضل أحمد دويدار لعامل السن

كما أن حسام غالى يمكنه اللعب كصانع ألعاب ممتاز (كان بيلعبها في توتنهام)

والصفقه الخامسه اللى مش هتضر لو جت و هنحتاجها كمان سنتين

وليد سلمان


شكرا على سعة الصدر

بالنسبة لي أرى أن الأهلي محتاج للاعب خط وسط بمواصفات هجومية مثل غالي ليكون بديلا لأحمد حسن ، و حارس مرمى أساسي لأن لا إكرامي و لا عادل يمكنهم تحمل مسئولية عرين الأهلي ، بالإضافة لمدافع بإمكانيات عالية على مستوى السرعة الذي يعاني منها الأهلي بعمق دفاعاته أما بالنسبة للهجوم فالأهلي يحتاج لمهاجمين إثنين على مستوى دولي متميز جدا مع إحترامي لإيهاب المصري .

ملاحظة : لا تتوقعوا إنتقال أي لاعب من أندية الهيئات البترول ، الجيش أو حتى الشرطة للأهلي أو للزمالك

كتبه محمد حمدي

جبته منين دية ياكريم

أسلوبه إمتعاضه
إمتعاضه انجليزي ده يا مرسي

محمد حمدي محاسب مصري بالكويت ..

البركة في روايات الرجل المستحيل :D:D

الصحافة اليوم : البدري يحذر من الإنتاج .. إنضمام شبانة المحلة للأهلي ... زيادة عقوبة " مزبلة التاريخ

كتبه dr.osman

حاجه غريبة....حاجة غريبة

موقع اهلي نيوز الوحيد منذ امس ولم أرى عليه خبر تأكيد ايقاف الهارب مع دفع الغرامة المقررة وايقاف سيون عن التعاقد لفترتى الصيف والشتاء القادمتين

لعل المانع خير

عيب تقني تسبب في تأخر نزول الأخبار بالموقع و نشكرك يا د/عثمان على المتابعة المستمرة للموقع 

الصحافة اليوم : الأهلي يأمل في مواصلة سعيه نحو الثنائية أمام الإنتاج الحربي

كتبه ايهاب الطاهر المحامى

الجيش المصرى

إيه البلد دي . رجال القوات المسلحة اللي المفروض انهم بيحموا البلد من المخاطر يروحوا يعملو منشئات في نادي المنصور علشان عيل بيلعب كورة عايزين يجيبوه حرس الحدود.. العساكر الغلابة تتبهدل كده. في بلد في الدنيا الجيش بتاعها أهم مؤسسة يلبسوا ترنجات و يقعدوا في الإستاد. مش كفاية الملاين اللي الدولة بتدفعها من فلوس البترول و الجيش يعني فلوسنا علشان تترمي تحت رجلين اللعيبة و احنا من أفقر 50 دولة في العالم. هي الناس دي اللي رفعت سعر اللعيبة في مصر و في النهاية فين العدل ؟؟ الزمالك و الأهلي و الإسماعيلي بيشحتوا و مبيخدوش دعم من الدولة و أندية تانية لا تاريخ و لا جمهور و لا حاجة خالص ميزانياتهم مفتوحة. حسبي الله و نعم الوكيل فيهم

عسل اسود ..

الصحافة اليوم:أحمد حسن يقترب من الرحيل..عبد ربه للخطيب: نفسي ألعب للأهلى.. طاقم ألماني لإدارةالنهائي

 كتبه بوسي

بالراحة شوية

انا اهلاوية جدا .. و بقول ان الاهلي نادي المبادئ
بس هي المبادئ دي هيا اللي خلت البدري يسخر من احمد حسن امام شاشة الكاميرا و مصر كلها شافتها علشان لعب كورة غلط .. و هيا اللي خلت البدري برضه يكلمه بطريقة مهينة امام شباب الاهلي الصغار اللي اكبر حلم عندهم ان احمد حسن يكون الكابتن بتاعهم في المنتخب
يا جماعة .. زي ما بنقول احمد حسن غلط و لازم يتحاسب .. كمان البدري غلط قوي .. و لازم يتحاسب ..
مش احنا نادي المبادئ ؟؟ يبقى مافيش حد فوق الحساب

المدير الفني المسئول الأول و الأخير عن الفريق فهو بطل الإنتصارات و كبش الفداء الأول بالإنكسارات .

صورة و خبر .. (21) : استعدادات كأس العالم تزداد قبل أسبوع من بدايته .. إعلان مورينهو مدربا للملكى

كتبه طيرالوروار

توقعاتى

المرشحون لنيل البطولة هم القوى التقليدية البرازيل وإيطاليا وألمانياوالأرجنتين وأخيرآ اسبانيا وأعتقد أن فرنسا غربت شمسها بعد زيدان ولعلها تستعيد عافيتها بعد تأقلم الجيل الجديد والمرشح الاول دائمآ هو البرازيل ثم أسبانيا ثم إيطاليا ثم ألمانيا ثم الأرجنتين والله أعلم بالغيب إنما هو استنتاج عطفآ على ماشهدناه من المستويات

بالنسبة لي فأنا "أتزوري" قلبا و قالبا لكن توقعاتي للمونديال إنه لن يخرج عن الرباعي إنجلترا ، أرجنتين ، أسبانيا ، البرازيل .

"السيدات" تختار "فان دير فارت" الأكثر إثارة و يتفوق على رونالدو

كتبه fo2sh

ههههههه

امال لو شافو بشير التابعى وتامر ابوجبل وشادى محمد

والناس دى هيعملو ايه

رزق الهبل عالمجانين

Loooooooooooooooooool

كتبه تامر

انا مش هقول اكتر من
ابو الليف دولا ممجانين

:D:D

الفيفا يختار مرتجى متحدثا فى اجتماعات جوهانسبرج

كتبه هشام عبد العزيز

تعنت

بسبب تعنت ادارة بتروجيت انتقل وليد سليمان ( العيل ) الى انبى .
ولابد وان يكون هناك وقفة فى تعامل الاهلى مع اندية البترول .
وعلى ادارة الاهلى التحرك فى تعاقداتها للحصول على لاعبين على مستوى النادى الاهلى

وليد سليمان ليس عيل بل أحد المقهورين بأندية الهيئات و سلملي على المادة 18 و تكافؤ الفرص .

 خاص لـAhlyNews.com .. طارق العشري مدير فني الحدود : " أبو السعود معانا "

كتبه ehab

ازااااااااااااااااااااى

ازاى ياجماعة الجيش يدخل فى الصفقة ويعمل مبانى للمنصورة ببلاش هو الجيش ملك ميييين

انا شايف ان اندية الجيش والبترول اقوى من الاهلى والزمالك وحاسس ان الموضوع مقصود لعمل تواز ن قوى فى الدورى (مفيش بيع لاعبين للاندية الاخرى)

بس ده ينفع حد يرد على

إحنا إلى ملك مين مش هما :S:S

صفقة أبو السعود "معلقة" ، ومجاهد يعقد اجتماعا للمفاضلة بين عروض الأهلى و الزمالك و الحرس

كتبه shiko

ياريت ابوالسعود في الاهلي وانشاء الله ابو السعود في الاهلي غصبا عن اي حد

الأهلي برأيي في أشد الحاجة لأبو السعود

بتروجيت يتسبب في إنهيار عصبي لـ "وليد سليمان" .. واللاعب يرقد بالمستشفى

كتبه د.محمد محمد عبدالباسط فواز

شكوى للفيفا

مفيش حد فى مجلس ادارة الاهلى اللى انتخبناه وانا عضو بالنادى واشجع الاهلى من 57 سنه- مفيش حد فى الادارة يشتكى للفيفا هو اصلا محرم اشتراك 3 انديه بترول تبع شخص واحد و3 جيش تبع شخص واحد عشان كده الفيفا لازم يتدخل وبالامر يخلى نادى واحد فقط للبترول واخر للجيش واخر للشرطة لكن مينفعش كده وكل نادى فيهم يدى للتانى اللى تبع الوزير ويرفض يدى للاهلى او الزمالك الفيفا هوه اللى يحلها مع الشكوى السابقة لحسن فريد العام الماضى خاصه وان الفيفا بتقول رأى اللاعب هو الاهم ومفيش حاجه اسمها لاعب يعتزل عشان بترول مش حيسيبه وعدوه السنه اللى فاتت بحضور مختارمختار انه حيروح الاهلى اخر السنه مش مشكلته ان مختار مشى كمان ادارة الاهلى تاخد طلب وليد سليمان وترفعه للفيفا خاصه وان بتروجيت عاوز يحوله لانبى ده تهريج ولو لم تحل من سامح فهمى هناك بلاتر وبس كفايه حرقه دم

نفتكر كلنا موقف حسن فريد عندما تهور و حاول الشكوى للفيفا و ماذا حدث له بعدها

المحكمة الرياضية الدولية توقف الحضري 4 أشهر و تعوض الأهلي بـ800 ألف دولار

كتبه ahmed

لماذا ازلتم تعليقي ولم تزيلوا من يهين ويشمت بالحضر

اريد رد من انسان حر من مسئولي الموقع

كتبه ahmed mohamed

حتى الموقع مش محياد

حذفتم التعليق لانه ليس على هواكم ومن اهلاوي محب لناديه صاحب المبادئ وليس النادي الذي نراه الان

بالنسبة للحياد فنحن نسمى AhlyNews.com :D ، ثانيا نحن نحاول أن نكون عقلانيين في طريقة عرض الأخبار وإن كنا نعتذر عن أي خطأ من أي محرر تطغى به تعصبه على صياغته للخبر و نحن بهذا الخبر لم نشمت بالحضري و لن نهنه بل نشرناه كأي موقع رياضي آخر و بالرغم من موقفي المعروف من الحضري بوجه خاص و الذي سبق و أظهرته بمقالة "وأسفاه على الوحش" إلا إن الحضري بلا شك أفضل حارس مرمى بتاريخ مصر و الأهلي بالطبع .

التشكيل المتوقع لمبارة الإنتاج الحربي

كتبه د . محمد عماد بدوي

موقع محترم جدا

ارجو عمل جروب للموقع أو صفحة فانز على الفيس بوك
هل يوجد حاليا فعلا صفحة و انا مش عارف ؟؟ ارجو الرد

تشكيلتك حلوة جدا و هي ان شاء الله اللي تكون صحيحة
بس ممكن .... ممكن .... (بقول كمان مرة ممكن)..... انه ينزل أحمد فتحي مكان الصقر .... و اكرامي حط رجل في المنتخب و ان شاء الله يتألق عشان نثبت للهارب ان الأهلي هو اللي بيصنع النجوم ... و هو اللي صنعه
ولا يحب يفتكر ماتش الإسماعيلي في نهائي الكاس سنة 97 لما أهداهم الكاس بخطأ ساذج منه ؟

بإذن الله قريبا .. توقع ممتاز يا دكتور

خاص لـ AhlyNews.com .. محافظ بورسعيد يتدخل لإيقاف إنتقال مهاجم المريخ للأهلي

كتبه أحمد الأهلاوي

والله عيب الكلام ده!!!

يعني خلاص محافظة بورسعيد كلها زي الفل وميه ميه ومافيهاش أي مشاكل تشغل بال السيد المحافظ وهو بقي فاضي للكورة ومشاكل اللعيبه ومين يروح فين؟
هو كده يكون أعطي كل واحد في البلد حقه
كل واحد في بورسعيد نايم متعشي ومطمن علي مستقبله
وكمان سؤال للأساتذه اللي بيفهموا في القانون
هل لو اللي عمله السيد المحافظ ده فعلا حصل
هل الكلام ده قانوني ومن حقه وقف انتقال لاعب ولا إيه
يا ريت حد يفهمنا!!!!

أنا مستغربك بصراحة إنت محسسني إنك مش عايش في مصر ، هو إنت مكنتش تسمع عن المحافظ إلى قبله مصطفى كامل ولا حتى محافظ إسماعيلية عبد الجليل الفخراني .. يا عم صلي على النبي  :S:S. 

تشكيل الأهلي للإنتاج .. إستمرار ثبات التشكيل و فتحي بديلا لحسن

كتبه معتز

الصحافة

انا واثق مليون في المية ان الصحافة هتطلع بكرة
وتقول في مشكلة بين كابتن حسام البدري والصقر علشان كدة مبدأش بيه الماتش

بصراحة هي مش محتاجة صحافة

الأهلي يصل لنهائي كأس مصر على حساب الإنتاج الحربي بهدفين لهدف

كتبه محمد مصطفى عباس

نداء لادارة الموقع

مع كل التقدير والاحترام
ياريت اللى ملهومش فيها ميحللوش المباريات بتاعتنا
وشكرا

مع كل تقديري و إحترامي يا أستاذ محمد ليس أنت من تحدد من الذي له فيها و من إلي مالوش و لكني على كل حال أعتذر عن توجيه تقرير مباراة الإنتاج ونعدكم بالوصف الدقيق دون  إبداء رأي .

الأهلى يخسر كأس مصر "بلعبة الحظ" ... فضل يضيع والجماهير تسانده

كتبه raad_2100@yahoo.com

احسن واجمل و اروع حاجه
فضل بيشكر ر بنافى الضراء قبل السراء
ربنا حيكرمك يا فضل من وسع ان شاء الله

إن شاء الله

تنويه :

 إيمانا من كإدارة الموقع بضرورة التواصل ، أرجو من كل أصدقاء وقراء موقع AhlyNews.com فى تقييم الموقع و إرسال كل طلباتهم من خلال تعليقاتهم على "قالوا إيه علينا" ونعدكم ببذل كل الجهد لتلبية كل طلباتكم

 للتواصل : karimcapello@yahoo.com

"قالوا إيه علينا" من إعداد : كريم ضيف الله