الرئيسية أخبار لقاءات مقالات تاريخ النادي الفريق الأول فيديوهات خلفيات صور صحف اتصل بنا المنتدى أخبار الكرة المصرية

stopped

Monday, 23 August 2010

English

أحدث الأخبار

المباراة القادمة جدول الدورى المباراة السابقة

الثلاثاء 24 أغسطس - 21:30

الأهلـى المصري

الدورى المصرى

الجمعه 20 أغسطس

الأهلى 1 0 طلائع الجيش

الدوري العام

نقاط	لعب	الفريق	الترتيب
3	1	وادي دجلة	1
3	1	المصري البورسعيدي	2
3	1	إنبـــــــي	3
3	1	الإسماعيلى	4

المزيد

ع النوتة ( 3 ) : البيت بيت أبونا و الغـُرب يطردونا .. و لو عايزين تكنولوجيا نقلبها آتارى !

أخر تحديث فىالأربعاء 04, أغسطس 2010 , 17:30

كتبه : يـحــيي جــــاد , فى السبت 17, يوليو 2010 , 23:16

لأول مرة .. الطابع الكوميدى الساخر .. على AhlyNews.com .. .. نظرا لتوالى الأحداث الرياضية و متابعة المباريات و الإهتمام بأخر الأخبار .. جأنا إليكم بما يخرجكم من الجو الإخبارى البحت .. مناقشة القضايا بطريقة ساخرة .. فى عدد نصف شهرى.. محاولة منا لدفع الإبتسامة إلى وجه القارىء.

ع النـوتــة

فـ حياتنا ياما بنشوف .. ساعات بناخد بالنا وكتير بنخليها عالظروف .. ده شرب مقلب وده شاط شوطة .. طب الحساب على مين؟ .. محنش عارفين ! .. يبقى نقيد ع النوتـــة

* ... أجِّـل جلستـى لـما القيـامـة تـقــوم ,,

أدان نادى الزمالك ما فعله اللاعب " جـدو " .. لتوقيعه للنادى الأهلى .. بل و قاضوه .. عشان بيقولوا إن اللاعب من حقنا .. جدو من حقنا / حسين على من حقنا / عبد الفضيل من حقنا / وده .. من حقنا .. ده غير لاعيبا تانية .. طب إيه أخرتها ؟ .. وتصاعد الأمر لوقف اللاعب محليا .. قرار صادر من " الأستاذ المُشعِر " .. لتهدئة الموقف !! .. بل بالعكس سيقف المسئولين الحُمر ضد أى قرار خاطىء .. والأمر سينتهى سريعا فورعودة اللاعب من نيجيريا .. ولو كان الزمالك عايز مَحاكم وقضايا .. يبقى موت يا حمار ! .. وفى نهاية الفقرة أهدى للمسئولين " البـيـض " أغنية منير فى الجنينة ,, قدمت شكوتى لحاكم الخرطوم .. أجِّل جلستى لما القيــــامة تـقــوم ,, ... معكم الله يا زملكاوية !!

* كأس العالم ع النوتة

وطبعا عشان مينفعش نِفوت بطولة زى كأس العالم .. كان لازم نجيبلكم أرقام وحسابات للبطولة بعد ما قيدناها عالنوتة :

.. هداف كأس العالم .. يتشاركه كلا من .. دايفيد فيا ، تياجو فورلان

.. أحسن لاعب صاعد .. توماس مولر.. \ أحسن لاعب .. تياجو فورلان .. \ أحسن حارس مرمى .. إيكر كاسياس

.. عدد الأهداف 145 هدف فى 64 مباراة بمعدل 2.27 هدف فى المباراة الواحدة

.. أفضل خط هجوم .. المنتخب الألمانى .. 16 هدف

.. عدد ضربات الجزاء 9 .. الكروت الصفراء 258 .. الكروت الحمراء 10

.. المنتخب الفائز " أسبانيا " حصل على (30 مليون دولار ) .. أى أقل من مهاجمه " فـيا " الذى تقاضى لإنتقاله لبرشلونة أضعاف المبلغ ( 50 مليون يورو ) .

* رسالـة حمراء

فى بطولة كأس الأمم الأفريقية .. أنجولا 2010 .. هداف البطولة .. محمد ناجى " جدو " .. تعاقد مع النادى الأهلى .. الفريق الذى يتكون منه قوام المنتخب المصرى صاحب اللقب .. وفى نفس العام بطولة كأس العالم .. جنوب أفريقيا .. هداف البطولة .. دايفيد فيا .. تعاقد مع نادى برشلونة .. الفريق أيضا الذى يتكون منه قوام المنتخب الأسبانى صاحب اللقب .

* البيت بيت أبونا .. و الغـُرب يطـردونـا !

عبد الواحد السيد حارس مرمى نادى الزمالك .. بعد صفقة " الحضرى " لسان حاله يقول .. : إيه اللى جابك عندنا,, .. وبعد التأكد من إعتماد " العميد " على الحضرى .. أصبح لسان حال " عبد الواحد " : البيت بيت أبونا .. والغرب يطردونا .. .. بقى يا كابتن حسام .. تِمَّشى اللى بيعشق تراب الزمالك و يخلِص لناديه (عبد المنصف) .. وتجيب اللى بَكى ليعود لنادى الأهلى ولو مجانا (عصام الحضرى) .. .. لأ وعندك حارس متميز ( عبد الواحد ) .. ودى كانت بداية مسلسل مشاكل جديد داخل القلعة البيضاء .. إنتظرونا فى رمضان !!

* الإخطبوط بول .. و التجربة المصرية !

"كذب الإخطبوط و لو صدق" .. بعد التجربة الناجحة لجذب عدسات المصورين و التقارير الإخبارية اليومية عن الإخطبوط بول .. تقاعد الإخطبوط بأمر " علوى " .. و حاليا هو داخل المتحف المائى .. فقط للمشاهدة .. .. ندم بعض من مسئولى مصر من الخبر المحزن بتقاعد الإخطبوط .. ممنـّين النفس بإنفراج أزمة " التغيير " !! .. وفى تجربة لمعرفة رئيس إتحاد الكرة القادم .. أحضروا حمامة يزيد عمرها عن مئات السنين .. وو ضعوها داخل قفص حديدى .. و وضعوا أمامها 3 "عشش " .. وفى محاولة لمعرفة الرئيس القادم و ضعوا على رأس كل " عشة " صورة مكبرة للمرشـَح .. وعند فتح القفص .. طارت الحمامة بــعيــدا !! .. وما زلنا فى حيرة من أمرنا .. بعد طير الحمامة.. من سيكون صاحب التغيير ..

هل سبب حيرتنا " غبائنا " .. أم .. " الحمامــة " ؟!

* الـقــلعــة البيــضــــاء !

من داخل القلعة البيضاء : " ... نحن نتعثر فى المفاوضات لأنه ليس لدينا هوية إحترافية .. فـنصف مجلس الإدارة يؤمن بـالتعاقد مع اللاعب .. اللى عليه العين من النادى الأهلى .. وتتضارب الآراء .. و النصف الثانى يؤمن بـالتعاقد مع لاعب .. مـثـَّل الأهلى سابقا .. و خليها على الله .. أما رئيس مجلس الإدارة فإنه يؤمن بالأولانـى ثلاثة أيام فى الإسبوع .. و بالتـانـى ثلاثة أيام فى الإسبوع .. و الجمعه أجــازة .. "

.. المسئول الزملـكاوى الذى وصف الأهلى بأنه يدخل من الشبابيك .. معلقا على الصفقات .. لن يلقى عقابه بالطرد من داخل الإعلام .. لأنه لاقى عقابا إلهيـاً من قبل وهو أنه زملــكاوى..

.. والحدق يفهم !

* ع الطايــر

بعد ما سمعنا عن تأجيل سفر " متعب " يوم الإثنين الماضى لبلجيكا .. قال لى أحد أصدقائى المقربين مازحاً .. أن أمن المطار توصل إلى السبب الرئيسى لعدم الإقلاع بالطائرة فى ميعادها المحدد .. وهو إكتشاف أن الطيّار الموجود فى كابينة الطائرة .. ليس هو .. بل شخص متخفى .. ويغطى نفسه بملاءة سوداء .. وعند محاولة معرفة صاحب الهوية المجهولة .. كشف عن نفسه الملاءة .. وظل يهتف و يقول .. مش هسيبك يا متعب .. مش هسيبك يا متعب " وكان الكابتن عدلى القيعى .. فى محاولة لعودة متعب " ... !!

* إسرائيل لن تسمح بإقامة كأس العالم بأى دولة عربية !

.. تصريح تم الكشف عنه فى الأيام الماضية بعد إنتهاء بطولة كأس العالم بجنوب أفريقيا .. فى وقت التساؤل عن نجاح البلد المستضيف فى مجاراة الدول الأوروبية .. بإستضافة الحدث الكبير .. وإن كانت مصر صاحبة "الصفر" الشهير فى قرعة مونديال 2010 ، هى التى إستضافة هذا الحدث ؟ .. كانت الإجابة هى .. عدم الذهاب بعيدا بخيالنا .. لأن الدولة المسيطرة على العالم الحالى .. صاحبة النفوذ والعلاقات الخارجية .. لن تسمح بإقامة كأس العالم بدولة عربية .. تصريح رئيس وزراء إسرائيل " شالـوم " .. وبعيدا عن هذا التصريح الذى وضحت نواياه .. هناك تقارير أكدت مساندة إسرائيل لجنوب أفريقيا .. وهذا ما يبرر الأعلام الصهيونية التى كانت تملأ الملعب فى كل مباراة تقريبا فى كأس العالم .

.. وبما إن المسألة " محسوبية و فلوس " .. دخلت أستراليا " بتقلها " لتنظيم كأس العالم 2022 .. بالهداية الماسية و المجوهرات لأعضاء الفيفا وعلى رأسهم جوزيف بلاتر ..رئيس الفيفا .. واللى يغيظك إن أعضاء الفيفا وافقوا على الرشاوى .. قصدى الهدايا .. ولكن صرحوا بأنه لايمانعوا بها ولكن بشكل محدود .. هــا هــا !! .." إفرح يابلاتر . . إرقصى يا فيفــا "...

* حكــام مظاليــم .. فى دورى ممتـــاز !

.. لابد من زيادة رواتب الحكام المصريين .. حرام .. كيف يتساوى حكامنا مع الحكام الأوروبيين .. كنظام مادى .. لابد وأن تتغير لائحة القبض .. وتصبح .. بجانب بدل المباريات .. و بدل الإنتقالات .. يضاف بند .. بدل الشتائم .. بدل الضرب .. بدل شحن وتفريغ .. .. وليه الإستخصار لما بتقولوا إن ميزانية إتحاد الكرة مليانة .. وربنا يستر بعد رحيل " زاهر " نكون مديونين لطوب الأرض .. .. وفى أخر حديثنا عن الحكام المصريين المظلومين .. تم الإنتهاء من الكشف الطبى .. فى الأيام الماضية .. و وجدوا فى نتائج الكشف ما لم تـُحمـد عاقبتـه .. شرخ فى الجمجمة .. كسر أكثر من ضلع فى القفص الصدرى .. و الأكثر من ذلك وأثناء التحليل .. وجدوا أن الدم يتكون من كروت حمراء و كروت صفراء .. !! .. كان الله فى عون الحكام المصريين .. !!

* لو عايزين تكنولوجيـا .. نقلبهـا آتارى !

بعد المطالبة بدخول التكنولوجيا .. فى أرجاء ملاعب العالم .. لحسم الأمور التحكيمية التى تسير الكثير من الجدل داخل الملعب .. يطالب الشعب المصرى بتنفيذ هذا القرار فى مصر .. عند البدء فى تفعيله فى العالم .. أحب أن أذكرهم بالسماعات المحمولة .. التى تسهل التواصل بين حكم الساحة .. والحكمين المساعدين .. والتى تم تفعيلها فى مصر .. بس بسماعات موبايل " هاند فرى " و فى أغلب الوقت .. كان الحكم لا يستعين بها .. نظراً لعدم وجود شبكة فى الملعب !! ..

.. يبقى عايزين نكلف نفسنا و نجيب كاميرات داخل المرمى .. لمواكبة التكنولوجيا .. لأ .. يبقى أحسن نقلب دورى كرة القدم "آتارى" .. بلاى ستيشن .. نظراً للتكنولوجيا المتطورة لحكام اللعبة .. !!

وشكرا

إغفروا لى الإطالة فلا وقت عندى للإختصار !

ومع هذه الرسوم الكاريكاتورية البسيطة :

"القيــعـى" الميـــزان !

تاريخ الصلاحية:

إنتاج : منذ إحتلال منصب مدير التسويق

إنتهاء : إلى ما لا نهاية من الصفقات

موضوع للنقاش : " أشق عمل فى الدنيا هو تسلية الناس ، نحن نشكر كل الذين تعبوا فى برامج التليفزيون ليمتعونا ، و الحقيقة أن الكل أسعدنا ، بعضهم عند ظهوره فى بداية البرنامج و بعضهم عند إختفائه فى نهاية البرنامج !! "

.. إستفتاء صغير لقراء AhlyNews.com بعد توقيع الكابتن أحمد شوبير مع قناة مودرن سبورت ، وعودته للظهور فى شاشة التليفزيون ، عن قريب ، هل سوف تتابعـه ؟ ..

( طبعا .. كابتن كبير و هتابعه ــ / عادى .. زيـّه زى غيـره ــ / هتابعه فقط .. عشان أعرف أخر المشاكل )

رسوم و إعداد : يـحــيــى جــــاد

كتبه محمد عبد اللاه فى السبت 31, يوليو 2010 , 17:47

يا ابن خلتى ياجااااااااااامد كتر من الكريكتير
ومدحت شلبى عم المذيعين كلهم
وحسام غالى جامد بس مش اتقل من كل دول وشوقى جيه وعاشور جااااااااااااامد جدا متنساش عاشور قلب الاسد

كتبه mohamed abdrabo فى الثلاثاء 20, يوليو 2010 , 18:22 الرسومات المتوافقه مع الموضوع

اولا احب ان اشكر صاحب هذه الفكره وايضا اشكره على امكانية ربطه الروسمات مع الموضوعات وقدرته على اضافة حس الفكاهه الى الموضوعات ونرجو من الاستاذ/ [B]يحيى جاد

كتبه ARWA فى الثلاثاء 20, يوليو 2010 , 01:20 كلام بسيط

الكلام اللي بيتقال فى على النوتة جميل جدا وبسيط اى شخص بيفهم فى الرياضة هيعرف ان له معنى وحتى لو اتكلم بلسان حد تانى فهويقول كلام عقلى لكنه بالطبع لن يرضى الفريق الابيض اللى بينقد الاهلى بصفة مستمرة حتى لو الاهلى على حق

كتبه ARWA فى الثلاثاء 20, يوليو 2010 , 00:53 شوبير

شوبير بيحب المشاكل عشان يشتهر وشكلة عايز يغلق قناة مودرن بس هياخد هدنة وانا هتابعة عشان اعرف اخر المشاكل وبالمناسبة ادعولى انجح وادخل سنة رابعة صافى واخلص تعليم

كتبه yasser فى الإثنين 19, يوليو 2010 , 19:14 44EBN EL NAFIS MADINIT NASER

EL AHLY SAHEH NADY KEBER BAS ANA RA2YEN EL HOKAM MA3A W5AD BOTOLAT KETERKEDA WALAHY AHLAWYWBENGEBFI SERETELZAMALEKBE2ELET 2ADAB ARGO TAHSEN SORET EL NADY 3ASHAN FI MAOKEF KETERATADOL ENOWALA QEAM WALA 25LA2
FROM THE BEST BAHLAWY IN THE WORLD BAS HA2ANY

كتبه bashy فى الإثنين 19, يوليو 2010 , 07:22 احلي كلام في ............ علام

والله يا يحي انا شايف ان المواضيع دي احلي مواضيع تكتب فيها بطابع السخرية عشان دلوقتي اللاعيبة مبقيناش عارفين هما بيجرو ورا الفلوس ولا ورا الاندية ولا ورا اية بالظبط ويلا اديها في الاخر بتمشي بالفلوس 0
وشكرا علي الواضيع الهايلة دي يا يحي وكل مرة احسن ان شاء الله 00000 bashy

كتبه soso فى الإثنين 19, يوليو 2010 , 03:27

طبعا كابتن كبير وهتبعه ومقال كويس

كتبه figo فى الأحد 18, يوليو 2010 , 23:30 لماذا أيها الحاقدون على الكاتب ؟

أيها الحاقدون على المقال وكاتبه ما أنتم إلا فقراء في الفكر، فلا تظنوا أنكم سفراء في الفهم، فأنتم كــالــ
تحملون أسفاراً

كتبه العمدة فى الأحد 18, يوليو 2010 , 23:10 هيلة هيلة طظ يا زمالك

زمالك اية وزفت اية هو دة نادى دة سجارتين وطفاية
انما الاهلى دة حكاية دة بنعشق التراب اللى بيمشو علية

اهلى اهلى
اهلى اهلى

كتبه جمال شعبان فى الأحد 18, يوليو 2010 , 22:49 ليه بس كده

يا جماعه الخير بلاش نجيب سيره الزمالك احسن ييجي ابراهيم حسن والغندور وعم حسام بايصالات امانه علينا ويبقوا كاتبين علينا شرط جزائي باليورو اصل جدو بالجنيه وبلاش بقي عبد الواحد والحضري احنا بكره يا ما هانسمع ونشوف اصبروا بس شويه البلاوي في الزمالك جايه جايه ليه بس كده ننكد عليهم ليهطبعا الدنيا كلها سمعت بكاء الحضري علي رجوعه للاهلي وسمعوا المعتصم وكلامه علي الاهلي وبيجرو وراه بس ايه كرامتهم بتوجعهم انه شاطهم علي مرأي ومسمع ملايين يبقي ليه بس كده

كتبه غالى فى الأحد 18, يوليو 2010 , 20:50 إفهموا يا جماعة كويس ؟!

إفهموا .. الراجل اللى كتب المقال .. مقالش إن فورلان أحسن لاعب صاعد .. والحاجة التانية إنكم ما تنسوش إن قناة الأهلى هى اللى بدأت التهجم على الزمالك ومسئوليه ( الأستاذ الليثى ).. والحاجه التالتة إن رأى الشخصى إن المقال جيد .. وليس بالسىء أبدا .. ومبروك علينا حسام غالى اللى تقل ميزاان القيعى .. رسوم كاروكاتيريه ممتازة !

كتبه م.حسام الدين محمد فى الأحد 18, يوليو 2010 , 20:27 تصحيح معلوماتى وتصحيح أخلاقى.

مولر هداف كأس العالم وفورلان أفضل لاعب ومولر أفضل لاعب صاعد وفورلان مستحيل يشارك مولر فى هذه الجائزه لأن سنة31 سنة!!!!!وقائمة الهدافون بها شنايدر وفيياأيضا ال50 مليون يورو سعر ديفد فييا لنادى فالنسيا وليس اجر اللاعب وسعر كرستيانو رونالدو كان95مليون يورو حسبما أذكر وطبيعى جدا أن يكون سعر اللاعب فى ناديه ان يكون اعلى من مكافأة الفوز وإن كان الفوز بكأس العالم.مجهود الكاتب مشكور وسبه وإهانته شئ مشين وعيب كبير لصاحب الإهانة إبداء الرأى مسموح الإهانة ضع نفسك بدلا منه تجتهد فتخطأ هل تقبل أن تهان عيب كبير عليك ياأهلاوى .ورأى الشخصى مستوى المقال ضعيف.

كتبه عبده فى الأحد 18, يوليو 2010 , 19:48 سيبك منهم

يا جماعه عاوزين نسيبنا من الزمالك وسيرته

كتبه العادلى فى الأحد 18, يوليو 2010 , 19:41 جمهور الاهلى

جمهور الاهلى احسن جمهور والنادى الاهلى احسن نادى ولعيبة الاهلى احسن لعيبة والمنافس الوحيد هو الزمالك قبل مايجى حسام واخوة

كتبه gake فى الأحد 18, يوليو 2010 , 14:43 مرتضى منصور

هههههههههههههههه نوته زى الفل$$$$$$$ وياربت نوتة على مرتضى منصور بس انا خايف لامشوفش النوته تانى

كتبه هالة فى الأحد 18, يوليو 2010 , 13:49 عظيم ياجمهور الاهلي

رائع جدا اي حاجة تفرج شوية عن المهاترات للي بنسمعها كل يوم من الزبلكاوية للي منتشرين في كل الفضائيات زي الناموس ولاسف مفيش اي مبيد وصاعق في هذة المحطات ولكن الكل ينضح بما فية
عجبني جدا الكابتن الحنطور للي بيقدم برنامج الزبالك اليوم ومدي استهتارة بعقول مشاهدية دا لو كان حد بيتابع هؤلاء المغرورين الذين يدعون اشياء غير التي يفعلونها وعجابي
ولا برنامج زبلكاوي للي بيقدم ثلاث اشخاص اقزر من بعض
والحقيقة للي صعبان علي جماهيرهم للي ياعيني بتصدق اي حاجة علي الرغم بدعم اقتناعهم بها وعجابي

في لنهاية احب اوجة الشكر للاستاذ بدر الاهلاوي علي الكلام الجميل للي قالة
لان بجد ياجماعة لازم ندعم النادي علي الاقل بمتابعة قناتة لتحقيق ربح للنادي ومنبقش اهلاوية باسم فقط بل لابد من المشاركة الواجدنية

كتبه MIDO MSHAKEL فى الأحد 18, يوليو 2010 , 13:09 زمالك

يعنى انت يالي كتبت الموضوع

ليه بتجيب سيرة الزمالك

ليه بتتكلم بصفتك عبد الواحد

ايه الي مزعلك

كتبه tarek فى الأحد 18, يوليو 2010 , 10:15 أضافة كمان

طيف بالنسبة للبدلات اللى لازم تتصرف للحكام فى مصر بدل شتائيم وأعتراضات حسام حسن وابراهيم حسن وكمان بدل عقدة أضهاد وتحكيم ظالم من الزمالك وضيف لأبراهيم يوسف بدل كلام كتير وتصريحات تافهة وياريت البدل ده يكفى علاجه لأنه حقيقى محتاج علاج كتير ده بيطالب الأندية انها تقف وقفه ادام الأهلى اللى بيفرغ الأندية من لاعيبها ونسى هو الزمالك اتعاقد مع كام لاعب والأهلى اتعاقد مع كام لاعب وغيره من الأنديه اتعاقدت مع كام لاعب مشكلة الزمالك أنه عايز الأنديه كلها تباع لاعيبتها ليه هو بس وكمان ببلاش لأنه مفلس وبكده بيفهمهم انهم بيقفوا فى وش الأهلى ومش بيفرغوا انديتهم ومشكلة الزمالك انه بدل ما يفكر اللى فيه العمل بشكل احترافى ويبطلوا كلام المقاهى اللى بيقولوه ويطوروا نفسهم ويطلعوا للأهلى مش احاول انزل الأهلى تحت لى لأنه الأهلى ده هو اللى بيجيب بطولات بأسم مصر

كتبه tefa فى الأحد 18, يوليو 2010 , 09:55 كلام ... جميل وكلام ... معقول

اية الحلاوة دى يا فنان خلى بالك من مصادرك انت اهلاوى كبير

كتبه tefa فى الأحد 18, يوليو 2010 , 09:51 الرياضة.................. قسمة ونصيب

واللة كل دة كلام لذيذ وكل يغنى على كيفة وشكرا

كتبه Romiooo فى الأحد 18, يوليو 2010 , 09:47 نداء وتحذير هام فعلا

ادارة ومسئولي الاهلي المحترمين اسمحوا لي ان الفت نظركم الى ما يقوم به اعلام نادي الزمالك بقيادة الغندور وغير من تأثير على الرأي العام بصفة عامه وعلى اتحاد الكرة بصفة خاصة في قضية جدو هجوم ضاري من التافه الغندور على هاني ابوريده واتهامات بالجمله له وماهي الا محاولة لاجباره على اتخاذ اي قرار لصالح الزمالك وبالتأكيد ضد الاهلي واللاعب لكي ينفي اتهامات الغندور له انها وسيلة قديمة ومعرفة للزملكاويه ولكنها تؤتي بثمارها فأرجوكم احذروا وواجهوا هذه الطريقة القذرة وكونوا كما عهدناكم متيقظين لامثال الغندور وغير الذين كرسوا حياتهم للهجوم والسعي ضد الاهلي العظيم وشكرا.

كتبه AHMED SLEEM فى الأحد 18, يوليو 2010 , 08:02 تصحيح

توماس مولر هو هداف كاس العالم بالتساوي مع فيا وفورلان ولكنه اكتر في صناعه الاهداف 3 لذلك هو الهداف مكتوب فوق غلط

كتبه ريعو فى الأحد 18, يوليو 2010 , 05:41 هام جدا !!!!!!!!!!!!!!!!! ما يحدث بقنوات الجزيرة ا

ما معنى ان تذاع مباراة الاهلى و الاسماعيلى فى كأس الابطال على قناة الجزيرة+9
ما معنى ان يكون اشتراك قنوات الجزيرة الرياضية من +1 حتى +8 اشتراك منفصل عن اشتراك الجزيرة+9 و +10
مامعنى ان 8 قنوات وهى +1و+2و+3و+4و+5و+6و+7و+8 تذيع لمشتريكيها مبارايات معادة طوال الوقت و كل يوم
هل اشتراكنا لهذه القنوات لكى نذاكر و نراجع مبارايات قديمة لان الامتحان قرب
و ما معنى ان تذيع قنوات الجزيرة مبارايات كأس العالم بث مباشر على قنواتها المفتوحة 1 و2 و على قناتى +9 و +10 و لا تذيع اى شىء على القنوات +1و+2و+3و+4و+5و+6و+7و+8
معناها ان الجزيرة تشكرنا على تبرعنا بأشتراكاتنا فى هذه القنوات التى ليس لها اى فائدة الا انها تذكرنا بالماضى و ذكرياتها عن طريق مباراياتها المعادة المستفزة من منا يضيع وقته فى مشاهدة مباراة معروف نتيجتها و من احرز اهدافها
ارجو من القائمين على قنوات الجزيرة تغيير اسم القنوات ال8 السابقة الى:+1 تصبح الجزيرة كوميدى
+2 الجزيرة دراما او الجزيرة نهب
+3 الجزيرة سينما او الجزيرة سطو
+4 الجزيرةالعربية او الجزيرة سرقة
+5 الجزيرةمسلسلات او الجزيرة اجرام
+6 الجزيرة منوعات او الجزيرة سفالة
+7 الجزيرة للاسرةو الطفل او الجزيرة ابتزاز
+8 الجزيرة موسيقى او الجزيرة نصب

كتبه سجل تاريخ النادى الاهلى العريق فى الأحد 18, يوليو 2010 , 05:18 سجل تاريخ النادى الاهلى العريق

كتبه koki net فى الأحد 18, يوليو 2010 , 04:31 تعليق صغيررررررررررررررررررر

معلش انا هتقل عليكوا شوية بس ميصحش اننا نكتتب كلمة دولة اليهود لاننا لا نعترف بها كدولة اصلا والمفروض تتكتب الكيان الصهيونى المغتصب او الدولة الحقيرة لما يفعلوة باخواتنا فى فلسطين الحبيبة وبالنسبة للجزء الخاص للكابتن احمد شوبير مش هتبعة اصلا لاننى مش معترف بية كاعلامى واصلا انا مكنتش معترف بية كلاعب اصلا وشكراااا

كتبه محمد عبد اللاه فى الأحد 18, يوليو 2010 , 02:57

شكرا جدا يايحى وبجد اجمد حاجة انت عملتها من ساعة منزلت الموقع
وشووووووووووووووووشووووووووووو
اعلامى منافق جدااااااااااااااااااااااااااااااااااا
مفيش فى مصرررررررررررررررررررررررررررررررررررررررر
غيرررررررررررررررررررررررررررررررررررررررررررررررر
شلللللللللللللللللللللللللللللللللللللللللللللللبى

كتبه doddaaa فى الأحد 18, يوليو 2010 , 02:52 dodda

البيت بيت ابونا فعلا بدايه مسلسل مشاكل جديد والله بس والله انا مبسوط اوووى خلينا نتفرج ونضحك شويه وبكره كلهم هيقلبو على بعض بس عاجبنى اوى اووى ترصيحات لاعبيه الزمالك لنا رجعه من المعسكر قالو هانخد دورى وكاس وبطوله افرقيا والله جهمور المختلط ده صعبان عليا اووووى ياعينى عاملين يتفخوه للجمهور فى البلونه من دلوقتى وكالعاده هتفرفع فى وشهم بعد كام اسبوع من الدورى ده احنا هنضحك ضوووووووحك
والنبى ياجماعه خد يشوف خل للكابتن بندق خد يقوله يبقى يبص على شعار القناه اللى قاعد فيها والله والله مكتوب dream مش الزمالك
بس بينى وبينكم مافرقتش كتييير المعنى واحد كلها احلام واوهام

كتبه farag فى الأحد 18, يوليو 2010 , 02:52 لعيب كبير يا توريه

فنان يا توريه طول عمرك .. وع النوتة المرة دي حاجة وهمية بجد .. وأخدت بالي يا ريس من اللي انت قولتلي عليه هههههه .. ربنا يوفقك دايماً في كل مرة تكتب فيها ع النوتة يا مبدع يا فنان يا يا يا أ/ يحي جاد
وحقك تتغر يا باشا بس أكيد مش علينا ههههه

كتبه كريم فى الأحد 18, يوليو 2010 , 02:34 مفيش احلى من كدة

اية يايحى الجمال دة والتوبيك والصورة بصراحة جامد اخر حاجة

كتبه m7mdAHLAWY فى الأحد 18, يوليو 2010 , 02:21 تصحيح

هداف كأس العالم هو مولر الألمانى بالتساوى فى دد الأهداف مع فيا و شنايدر ولكنه فاز بها لأنه صاحب 3 تمريرات حاسمه)assist)لصناعه 3 اهداف لألمانيا

كتبه mahmoud فى الأحد 18, يوليو 2010 , 02:03 اللي يهاجم النادي الاهلي مش هنسيبه

كتبه Anaconda فى الأحد 18, يوليو 2010 , 01:59 chapeauxxxxxxx

chapeauxxxxxxx

كتبه Anaconda فى الأحد 18, يوليو 2010 , 01:56 chapauxxxxxxx

chapauxxxxxxx

كتبه abdooo فى الأحد 18, يوليو 2010 , 01:38

مقال اكتر من رائع بصراحة تسلم الايد اللى كتبت

كتبه عبده فى الأحد 18, يوليو 2010 , 01:31

طبعا .. كابتن كبير و هتابعه

كتبه maged فى الأحد 18, يوليو 2010 , 01:25 الاشعل بيمسى عليكوا

الاشعلللللللللللللللللللللللللللللللللللل

كتبه علاء فى الأحد 18, يوليو 2010 , 01:15 اوك بس بس حاجه

علي فكره يا جماعه شوبير والله اعلامي جامد بس هو عايز عده هههههههههههههه

كتبه بسمة فى الأحد 18, يوليو 2010 , 00:44 ياجامد

ايه الشغل الجامد دة
هتابع الاهلى بس

كتبه m_h2006 فى الأحد 18, يوليو 2010 , 00:25 ما فيش أحلى من كده

موضوعات على النوتة من أجمل الأشياء على اللى بقراها فى المواقع الرياضية و خصوصاأنها بتتميز بالإختصار و عدم الرغى .
عايزينكم دايما قدام و تمتعونا دايما
و لو ممكن ترجعوا الصور و التعليقات الطريفة اللى عليها.

كتبه hossam فى الأحد 18, يوليو 2010 , 00:16

شغل جامد اوي يا استاذ يحيى و انا هتابع شوبير عشان اشوف الخناقات :D

كتبه أحمد جمال الدين فى الأحد 18, يوليو 2010 , 00:11 لن أتابعه

أنا لا أتابع شوبير أو غيره

كتبه sanafer فى السبت 17, يوليو 2010 , 23:51 ايه الحلاوه دى

يا حلاوتك يا جمالك

كتبه بدر الأهلاوى فى السبت 17, يوليو 2010 , 23:51 ليس أى اختيار من تلك.....

ولا أى اختيار من اللى فاتوا دول أنا أهلاوى وبتفرج على قناة النادى هى اولى بجماهيرها من غيرها وأولى بمساهمتى فى المشاهدة من غيرها من القنوات الصفرا بتاعة المنافقين ,وأنا بستمتع جدا بتحليل زكريا ناصف الرائع ودى وجهة نظرى.خسارة أى قناة غير قناة الأهلى تستمتع بمشاهدة جماهير الأهلى الكبيرة والكثيرة احنا أهلاوية بجد مش مجرد كلام وبس القناة دى ممكن تبقى مصدر دخل رهيب للنادى الأهلى علشان يعرف يحقق طموحاته ببناء الاستاد كما قال الكابتن محمود الخطيب واحنا بنشوف فزلكة المقدمين فى القنوات الأخرى على الأهلى ومن قبل فى فترات سابقة كان التهكم على القناة قبل البث الرسمى وأن الأهلى يعانى من أ.مة مالية طاحنة كما يقول دائما هؤلاء الحاقدون الحاسدون الفاشلون.

*الإسم :

*البريد الإلكترونى :

عنوان التعليق :

*التعليق :

*أدخل الحروف :