قالوا إيه علينا (30) ..

فى إطار خدمات موقع AhlyNews.com للتواصل مع أصدقاء الموقع نقدم لكم خدمة جديدة وهى نشر أبرز التعليقات خلال الإسبوع تحت عنوان  "قالوا إيه علينا" كل إسبوع .

فى : قالوا إيه علينا (29)

كانت أبرز التعليقات :

كتبه نها الاهلوية     10 يوليو 2010 , 02:52

اهلا و سهلا..

-اهلا و سهلا أ/ يحيى وبالتوفيق لحضرتك و أ/ كريم في موقعه الجديد دا تاني واحد يمسك قالو ايه علينا و يمشي 2-مع احترامي لرأيك حضرتك ليه بتستخف برأي واحدة من الناس اللي تعليقاتهم منشورة؟ أيا كان رأيها مينفعش تستخف بيه 3-اللي بيسال عن المعتصم سالم الاسماعيلي مش راضي يبيعه للاهلي يعني مش هييجي

الرد :

أهلا بيكى يا نها ، شكرا على مشاركتك الإيجابية ، ورأيك الحيادى ... و أهنئك على السبق الصحفى " فشل تعاقد المعتصم مع الأهلى " .

كتبه محمد الفلسطينى 08 يوليو 2010 , 19:48

هلا والله بالهاَ طلـَّهَ ..

يا اهلا وسهلا فيك يا استاذ يحيى جاد قالوا علينا إية ونتمنى معك التوفيق للاستاذ كريم ضيف الله الذى رغم إختلافنا معه فى الرأى ولكن سوف نفتقده كثيرا فى موقعنا الحبيب وأريد من خلال الموقع أن نتطمن على أستاذنا الحبيب والغالى عمرو عبيد لأن غيابه طال ولم نتعود منه على ذلك لقد وحشتنا كتاباته فأرجو من إدارة الموقع ان تتطمننا على الاستاذ عمرو عبيد وشكرا

الرد :

يا أهلا وسهلا بيك فى أول تعليق ليك معايا ، فى قالوا إيه علينا ، و على فكرة الأستاذ كريم وصَّانى عليك ، فأتمنى مشاركتك الدائمة معنا ،، أما بالنسبة للأستاذ عمرو عبيد .. فهو موجود معنا و لكن بصفة متقطعة حيث .. الأرقام والإحصائات  على مدار كل بطولة أو ،فى القريب العاجل ، كل مباراة للنادى الأهلى ، سيعطينا بإستفاضة ما تعودنا عليه منه .. من تحليل رقمى .

ــــــــــــــــــــــــــــــــــــــــــــــــــــــــــــــــــ

فى :  " طلعت " يسعى بقوة لنيل "الفرصة الحقيقية" فى الموسم الجديد

كانت أبرز التعليقات :

كتبه اهلاوى جدددددددددددددددا  الثلاثاء 20, يوليو 2010 , 22:47

حسام جوزيه ..

اعتقد ان حسام البدرى يحاول بشتى الطرق ان يعيش فى جلباب مانويل جوزيه لانه بيحاول ان يقلده فى كل تصرفاته فحسام البدرى يتمسك بلاعبين لا تصلح نهائيا ارتداء الفانله الحمراء مثل اللاعب اللبيرى فرنسيس فهذا اللاعب لا يجيد حتى نقل الكره بقدمه وكنت اعتقد ان اللاعب اللبنانى محمد غدار افضل منه كثيرا ورغم ذلك استغنى عنه ورفض ان يتم التعاقد معه واعتقد ان السبب فى ذلك هو الامل فى ان يعود متعب للفريق الذى سوف لا يعطى اى شىء للفريق فى حالة رجوعه لان كل ذهنه متجهه الى الاحتراف الخارجى .

الرد :

مش معنى أن الكابتن الكبير " حسام البدرى " بيحاول يعطى الفرصة لمهاجم أجنبى ، النادى صرف عليه كتير ، لحد ما يستقر على مستواه الحقيقى و يقدم اللاعب كل ما يملكه من مهارات لايراها المتابع كما يراها الفنى ، ثم إن الكابتن جوزيه كان يعطى الفرصة لفلافيو عشان كان لاعب أساسى فى منتخبه ، وحتى الأن لم نرى مستوى فرانسيس ولا " غدار " .

ــــــــــــــــــــــــــــــــــــــــــــــــــــــــــــــــــــــــــــــــــ

فى : وسط حضور أمني مشدد .. بدء جلسة التحقيق مع "جدو" بحضور المستشار القانوني للأهلي و"القيعــي"

كانت أبرز التعليقات :

كتبه ahmed الأربعاء 21, يوليو 2010 , 16:17

[B]كلنا معاك ياهداف افريقيا[/B]

هو جدو لازم يستعجل فى التوقيع للزمالك حرام عليك يااخى حتكلف الاهلى فلوس كتير كله ده علشان الغرور الى ركبه بعد هداف افريقيا

الرد :

لأ .. هو وقع قبل بطولة أفريقيا ، و توقيعه بعد وعود مسئولى الزمالك بأن الأوراق لن تظهر إذا لم يحدث التعاقد ، ولكن خانوا الأمانة .. و هكذا ,, صار الموضوع كما ترى .. فى إنتظار نتيجة التحقيق .

كتبه mostafa  الأربعاء 21, يوليو 2010 , 13:58

نحن نعمل فى صمت

يعجبنى فى ادارة الاهلى العمل فى صمت الزمالك قعد يقول جدو معانا من شهر يناير ومعرفوش يخدوه والاهلى فضل قاعد ساكت ومنذ 3 اسابيع دخل خطف الراجل فى يومين ارجو من ادارة الزمالك والتوام يقعدوا فى بيوتهم ويسيبوا الشغل ده لادارة الاهلى المنظمة جدا بالزمة مش ده يدل على مين اللى يستحق البطولات

الرد :

هذه هى مبادىء الأهلى .. ولكن الأهلى دخل المفاوضات من فترة كبيرة، وتحديدا بعد مباراته مع الإتحاد والتى إنتهت بالتعادل 1/1فى الدور الثانى .

ـــــــــــــــــــــــــــــــــــــــــــــــــــــ

فى : خاص لـ Ahlynews.com محمد شوقي: سعيد بالعودة لصفوف الأهلي .. وأنتظر قيدي إفريقياً

كانت أبرز التعليقات

كتبه Elsokkary  الخميس 22, يوليو 2010 , 22:44

--------------------------------------------------

من أهلاوي إلي لجنة الكرة بالأهلي .
أولا انا اهلاوي اشجع الاهلي بكل كياني واتمني دوام الانتصارات وحصد كل البطولات .
ثانيا ارجو ان يتسع صدركم لبعض الملاحظات علي القائمة :
1- الأهلي كان في أمس الحاجة لظير أيسر له خبرات محترمة مثل جلبرتو .
2- الأهلي عدد أفراد خط دفاعه قليل جدا ومتوسط اعمارهم كبير نسبيا رغم انهم الأفضر بمصر.
3- بعد ظهور عدد كبير من الناشئين المميزين يبدو الإتجاه السائد هو ركنهم ثم إعارتهم الموسم المقبل تمهيدا لبيعهم نهائيا .
4- قائمة الأهلي تقول انه يحتاج لظهيري اجناب وقلب دفاع .
5- أري ان وجود جلبيرتو كان أفضل وأفيد للاهلي من فرانسيس الذي فشل خلال موسم في إثبات جدارته.
ثالثا : أثق في إخلاصكم وتفانيكم في عملكم ولكن ملاحظاتي وجهة نظر شخصية تهدف لصالح الأهلي فقط .

الرد :

كلام معقول جداً .. وأراهنك كل اللى بيقرا دلوقتى معاك قلباً وقالباً .. بس إتأكد إنك مش هتعرف أكتر من لجنة الكرة .. دى خطة سنين .. مش يوم أو يومين .. وأكيد عندهم الحلول والبدائل .. عشان هما مش مبتدئين !!

ـــــــــــــــــــــــــــــــــــــــــــــــــــــــــــــ

فى : قناة الأهلي تتعاقد مع " هاني رمزي "، "طه أسماعيل "، "خالد بيومي" لتحليل المباريات

كانت أبرز و "أطرف" التعليقات :

كتبه  bero3 الجمعة 23, يوليو 2010 , 19:19

بالتوفيق باذن الله

بحد شىء مؤلم...قلبى قلبى ..حد يفوقنى ياجماعه ..هو الخبر دا صحيح...مصطفى جمعه بدات بشايره فى القناه...ومن تقدم لتقدم لقناة الأهلى والمذيد من التعاقدات المتميزه فى المجال الأعلامى والتحليلى

كتبه norhan  الجمعة 23, يوليو 2010 , 21:35

مبروك

مبرووووووووووووك للنادى الاهلى كل هذه الصفقات السوبر سواء الاعبين او المحللين وياريت كمان معلقين سوبر ان شاء الله وربنا يحمى الاهلى من العين ومن كل الحاقدين واحنا كده مش عايزبن اى تحليل فى اى قناة اخرى احنا كده قناتنا جامدةجدااااااااا وخاصة بتواجد الشيخ طه اسماعيل وخالد بيومى وشكرا مجلس ادارة النادى الاهلى

كتبه norhan  الجمعة 23, يوليو 2010 , 21:58

شكرا

شكر خاص لعبد الرحمن مجدى اللى دايما بيجبلنا الاخبار الجيدة جدااااااا وبالتوفيق دايما والى الامام دائما بس ياريت ياعبد الرحمن تطورلنا الموقع شويه ويكون فيه افكار جديده ليتناسب مع قيمة النادى الاهلى وجماهيره لان احسن نادى فى مصر لابد ان يكون موقعه احسن موقع فى مصر

كتبه مهندس احمد السبت 24, يوليو 2010 , 18:48

لا للمعلق اشرف فهمى

انا كمان بكرهه وبتخنق منه...احلى ايه واروع ايه ...رو-ح موت برغيك وقرفك ده

الرد :

القنـاة قنــاتكـم .. وليكوا الحق تكونوا أول ناس تشاركوا برأيكم .. عشان مفيش حد هيتفرج عليها إلا إنتوا .. .. وعلى فكرة " عبد الرحمن مجدى " ده  رئيس التحرير ..  وإحنا دايما نسعى جاهدين للتطور و الإنفرادات .. و بالنسبة لأشرف فهمى .. أنا معاك يا باش مهندس .. !!

ــــــــــــــــــــــــــــــــــــــــــــــــــــــــــــــــــ

فى : الأهلى يفتقد جهود " فضـل " فى السوبر .. و فرانسيـس البديـل

كانت أبرز التعليقات :

كتبه تيمور  الأحد 25, يوليو 2010 , 06:55

يا جماعة فرانسيس اصبح امر واقع فلازم كلنا نسانده بدل مانقعد نتريق عليه ود مش هيفيد بحاجة وغير كد هو مهاجم مش سيئ

كتبه Mohamed  الأحد 25, يوليو 2010 , 08:49

فين اسامة حسنى؟ هو احسن مهاجم فى الاهلى دلوقتى...........

كتبه amira  الأحد 25, يوليو 2010 , 12:41

ياغدار سبنى فى حالى

ياريت كابتن حسام يكون عنده الجراءة وينزل غدار
حتى لو اخر ربع ساعة هوه لاعب جديد وعيز يثبت نفسه
وساعتها الحرس هيغنى ياغدر سبنى فى حالى فى حالى ياغدار.

الرد :

الرد سيكون من داخل تعليقاتكم البنائة :

كتبه hma001 الأحد 25, يوليو 2010 , 09:30

80 مليون خبير كروي

طب ما تروحوا تدربوا انتو احسن !

ـــــــــــــــــــــــــــــــــــــــــــــــــــــــــــــــــــــــــــــ

ولن نطول عليكم الحديث عن التعليقات الأخرى ، وخاصة التعليقات المتعلقة على قضية " جدو " ، فى إنتظار ما ستؤول إليه الأحداث ,,, وبعدها سنعرض كل التعليقات الصادرة من قـُرائنا الأعزاء منذ لحظة إيقاف اللاعب محليا ،،، لنكتشف من أخطأ فى حق اللاعب .. ومن وقف بجانبه لأخر لحظة .. وهل اللاعب مظلوم .. أم غير ذلك ؟..