Ahlynews Forum
ZuluTrade - Autotrade the Forex Market like never before!
الخميس 2 ديسمبر 16:45
سموحة                       الأهلـى
الدورى العام
الأحد 3 أكتوبر
الأهلي 2                      1 الترجي
دوري أبطال أفريقيا

 

نقاط لعب
الفريق الترتيب
3
1
وادي دجلة
1
3
1 المصري البورسعيدي
2
3
1 إنبـــــــي
3
3
1 الإسماعيلى
4

اشتغالات 2

أخر تحديث فىالسبت 28, يونيو 2008 , 17:02
كتبه : , فى الخميس 26, يونيو 2008 , 18:52

عقب الأشادة التى اعتز بها والتى نالتها مقالتى السابقة التى جسدت فكرة غير معتادة والتى حملت عنوان " اشتغالا ت" وبناء على رغبة السادة القراء قررت متابعة كتابة مثل هذه النوعية من المقالات ، وأمل أن تنال إعجابكم ورضاكم.

 

 

الأشتغالة الخامسة " أعذرنى شكراً "

 

التاريخ : 12\6\2008

المكان  : مطار القاهرة الدولى صالة رقم 3

الرحلة  : 720 عمان القاهرة

الحدث  : أجوجو وصل يارجالة

 

" فى صباح يوم مشمس حار  جاف استيقظت وأنا كلى أمل أن أجد بعض الأخبار التى تدخل البهجة والسرور إلى قلبى ( القافش) على الحياة وكعادتى عقب الأستيقاظ من النوم " وربنا مايقطعلى عادة" تابعت برنامج صباح الخير يامصر وأنا أتناول وجبة إفطار عامة الشعب التى تسمى "الكومة"  ويعرفها بعض الناس بالفول بالزيت الحار ، المهم وإذا  وأنا أتابع البرنامج الشهير أفاجى  بقطع البرنامج بفقرة إخبارية عاجلة تحمل أسم ( أهم الأنباء) .

 

 

أجوجو يحمل قميص الزمالك بالعافية

 

لأ أعرف لماذا أنقبض قلبى " ونزل فى رجليا"  وأنا انتظر الخبر العاجل وإذا بصورة لكائن غريب عرفت فيما بعد أنه يدعى أجوجو وانتظرت أن يعلن المذيع القبض على هذا الأجوجو قبل قيامه ببعض العمليات الأرهابية فى الملاعب المصرية وإذا بالمذيع يكتسى وجهه بأبتسامة عريضة ويعلن أن صاحب هذه الصورة هو لاعب الزمالك الجديد الذى وصل إلى القاهرة من أجل الأنضمام إلى الزمالك ورأيت هذا الأجوجو يحمل قميص الزمالك رقم عشرين بجانب شراشة وإجرام كروى رأيتهما فى عينيه وكأنه قادم لألتهام مدافعين الدورى المصرى  وتخليت وأنا أتابع هذا الأجوجو مصير مدافع الأهلى السابق أحمد شيد قناوى عندما يواجهه فى كرة مشتركة ولقد أوصلنى تخيلى إلى نهاية مأساوية لشديد وتخيلت أيضاً مصير جمال حمزة وشيكابالا عندما يقوم كل منهم "بالقرننة"  وعدم تمرير الكرة إلى الأجوجو تخيلت حينها أن شيكابالا وحمزة سيتعرف عليهم بعد عقاب الأجوجو عن طريق الحامض النووى الـ DNA  لتفريقهم عن بعض .

 

 

وعقب خبر قدوم الأجوجو الذى يشبه شخصية زلومة الأقرع ( أحد شخصيات مسرحية شاهد ماشافش حاجة)  قام الزمالكوية بأقامة الأحتفالات و" تسييط" هذا " الجدع" الذى يحمل أسم أجوجو بدون أن يوقع عقد الأنتقال إلى القافلة البيضاء ،  ووسط أخبار متضاربة عن إحتراف أجوجو فى المارينز ( مشاه البحرية الأمريكية) أو فى أوروبا او فى الخليج  زف إلى أصدقائى الزمالكوية الخبر اليقين وقالوا كلهم فى نفس التوقيت " أجوجو جالكو خبوا عيالكوا" ولا أذيع سراً أننى أصابنى الرعب من هذا الأجوجو لأنه مخيف فى الصور بما بالك فى الحقيقة .

 

وكالعادة ولأن إدارة الزمالك ترفع شعار " متعودا دايماً " قام الأجوجو بتوجيه إعتذار رقيق للزملك بعدم الأنضمام إليهم مسبباً ذلك بعدم رغبته باللعب فى الدورى المصرى ، ونزل خبر " فلسعة" أجوجو من الأنضمام إلى الزمالك كالصاعقة على الزمالكوية رغم أنها لم تكن السابقة الأولى وهذا تفسير مقولة أن إدارة الزمالك " متعودا دايماً"  فأدارة الزمالك ومنذ فترة ليست بالقليلة تعتاد على التعاقد مع اللاعبين من خلال الجرائد ويكفى أن رئيس الزمالك السابق مرتضى منصور قام بعقد مؤتمر صحفى لأعلان تعاقد الزمالك مع عمرو سماكة ومحمد عبد الله والطريف ان المؤتمر الصحفى لم يحضره اللاعبان ،  كما قام  السيد ممدوح عباس بالتعاقد مع أحمد فتحى دون موافقته ولكن جاء ت " فلسعة " أجوجو الذى أثبت انه " كفاءة" لتصيب إدارة الزمالك فى مقتل وذلك بعد أن"بعتهم" من أنجلترا إلى الجابون مروراً بغانا ودبى  وترانزيت فى عمان  والنتيجة " أعذرنى شكراً" .

 

 

الأشتغالة السادسة  " زاكيرونى لسه بيشاور عقله"

 

التاريخ : 7\6\2008

المكان  : مطار القاهرة الدولى صالة رقم 3

الحدث : زكى رونى هيدرب الزمالك يارجالة

 

أوقعنى حظى التعيس فى احد الأيام إلى الذهاب إلى مطار القاهرة الدولى لتوصيل أحد الأصدقاء وإذا بزحمة شديدة وكأن الحكومة قررت أن ترتفع سعر البنزين ثانية ولأنى سىء الظن أستقصيت سبب هذا التجمهر وعرفت من أحد المتجمهرين أن شخصية إيطالية بارزة ستحضر على الطائر القادمة من إيطاليا لقيادة فريق نادى الزمالك وقلت فى نفسى " ياولاد اللعيبة"  مانشينى سيقود الزمالك العام القادم عقب إقالته من تدريب الأنتر وأعتذرت لصديقى عن عدم توصيله إلى  المطار ( القديم) وأتجهت مسرعاً إلى صالة رقم 3 التى شاهدت عندها تجمع زملكاوى رهيب براعم وإداريين وفرق سلة ويد وكرة ماء رأيت مارفن بلاك وحمادة روبى ومجلس إدارة الزمالك بالكامل وعندها زاد شكى وهو أن مانشينى قادم لامحالة وفاجأة ظهرت شخصية مجهولة لى وفى نفس الوقت تعالت صيحات 3 ألاف زملكاوى ( زكى ... زكى .. زكى رونى).

 

 

زاكيرونى واستقبال اسطورى

 

زكى رونى أيوجد إيطالى أسمه زكى كان هذا السؤال أول ماطرحته على نفسى وطرحته على أحد المستقبلين الذى انفجر فى وجهى كالرديو " الخربان"  و قال هذا مدرب الزمالك الجديد زاكيرونى وليس زكى قاد أندية اليوفى والأنتر وميلان وبارما وسامبدوريا وبلدية فينسيا ومنتخب إيطاليا ، فاز بكأس العالم مرتين وزامل باجيو ومالدينى الكبير والصغير وهو الذى أدخل طريقة 6\3\1 إلى الملاعب وأنهى المشجع الزمالكوى تقريره الملخص عن زاكيورنى بهجوم شديد ( فيه حد مايعرفش زاكيرونى أنت ياكابتن بتشجع جمباز إيقاعى ولا أيه ) ولم أتمالك نفسى وقتها وأنفجرت ضاحكاً وقررت العودة إلى المنزل تاركاً أجواء تغلفها الطبل والزمر بقيادة فريق حسب الله الـ 2008.

 

 

وفى صباح اليوم التالى لزيارة زاكيرونى طالعت الصحف والتى اشارت إلى قيام المدرب الأيطالى بجولة تفقدية " برم "  لمنشأت نادى الزمالك  لمدة ساعة كاملة من الثانية عشر حتى الواحدة ظهراً وقام " بتصوير"  كل المنشأت بكاميرا الموبايل " العدة"  الذى أشتراه من شارع ( عبد العزيز)  و أبدى إعجابه بغرفة خلع الملابس الخاصة باللاعبين وكذلك بغرفته والجيم الذى تم تأسيسه أسفل مدرجات الملعب وطلب أن يتم تجهيزه ببعض المعدات التى يتم إحضراها عن طريقه ثم أنصرف زكارونى من نادى الزمالك ومن مصر كلها من أجل التفكير فى عقد الزماك ولكن المؤكد أنه لم يعود مجدداً عقب أختفاءه  وأكد البعض أن سبب زيارة زاكيرونى  لنادى الزمالك هو تأكده من صلاحية كاميرا تليفونه المحمول عن طريق تصوير منشأت النادى  والذى فور التأكد من صلاحيتها سافر " فك "  إلى بلاده لتكون " البعتة الثانية ".

 

 

 

ياموبايلاتك الجامدة يازاكيرونى

 

الأشتغالة السابعة " ثلاثية الأبعاد "

فى إطار الصفعات الذاتية التى تلقتها إدارة الزمالك فى الفترة الماضية قام لاعب المنتخب المصرى أمير عزمى مجاهد والذى أعلن النادى الأبيض تعاقده معه لمدة 4 سنوات بأهداء " صابونة"  ماركة " النابلسى" لأدارة النادى الأبيض عقب أن قرر الرحيل إلى نادى أوفتاش سبور التركي وتعاقد معه رسمياً بعد أن وجد بعض المرشحين فى أنتخبات نادى الزمالك  يقومون " بالتشريد "  لوالده الذى ينافس فى الأنتخابات ويتهمونه  أنه يستخدم نجله من أجل نجاحه فى الأنتخابات  ، وجاء اللاعب سيرى دى الأيفوارى لاعب وفاق سطيف الجزائرى بأكمال الأشتغالة رقم " سرى " التى تلقها الزمالك من اللاعبين الذى أعلن التعاقد معهم بعد أن وجه رسالة إلى لجنة التعاقدات لنادى الزمالك فحواها " عقدى معكم بلوه وأشربوا ميتوه"  وكل سنة وانتوا طيبين.

 

 

أمير عزمى خلع
 

بعيدأ عن الأشتغالات:

 

 

جمهور الأسماعيلى عقب تنازل الأهلى عن حسنى عبد ربه صورة أهديها لكل من يهمه الأمر

 

أجد نفسى ثانية مضطر أن استعير قول الشاعر وأهديه لكل الشامتين والمتربيص للأهلى بعد مهزلة حسنى عبد ربه :

 

لا تأسفن على غدر الزمان لطالما
رقصت على جثث الأسود كلابا
لا تحسبن برقصها تعلو على أسيادها
تبقى الأسود أسودا والكلاب كلابا
تبقى الأسود مخيفة في أسرها
حتى وإن نبحت عليها كلاب
تموت الأسد في الغابات جوعا

 ولحم الضأن تأكله الكــلاب

 

ملحوظة: رغم أن زاكيرونى وصل إلى إلى القاهرة يوم 7\6\2008 وأجوجو وصل يوم 12\6\2008 إلا أن السيد مدير عام نادى الزمالك  والذى قام بأستقبال زاكيرونى وأجوجو لم يقم بتبديل البدلة  وكأنه بايت فى المطار حيث انها نفس البدلة ونفس القميص وماخفى كان أعظم.

 

 

شخصيات رياضية وشخصيات وأعمال درامية ومسرحية:

 

أجوجو: زلومة الأقرع ( أحد شخصيات مسرحية شاهد ماشافش حاجة للفنان عادل إمام)

ممدوح عباس وأحمد توفيق : ( أبو لمعة والخواجة بيشو )

الحارس الهارب : عنتر شايل سيفه ( الساعة بخمسة جنيه والحسابة بتحسب)

صالح سليم       : (الشموع السوداء)

مجلس إدارة النادى الأهلى : (شىء من الخوف)

أحمد سويلم      : (محامى خلع)

أتحاد الكرة       : (عمارة يعقوبيان)

أرضية أستاد القاهرة : (القاهرة 30  )

الأسماعيلية      : (الوسية)

حسن شحاتة     : (غريب فى بيتى)

سمير زاهر       : ( الواد محروس بتاع الوزير)

مهزلة حسنى عبد ربه : ( الكرنك)

 

 

 



 

 

 

كتبه malkoeslz فى الإثنين 20, أكتوبر 2008 , 01:34 8c1a427328f
Hello your site is just great! jkdlas4wa
كتبه malkoeslz فى الأحد 19, أكتوبر 2008 , 02:36 bf2bef
Hello your site is just great! jkdlas4wa
كتبه Wills فى السبت 18, أكتوبر 2008 , 19:23 f8601471991
Ha3sloz ghhgjhjkl hjkhjkhhk gjhfchgvhgg uyiuohgjkhjk
كتبه midosoul2010 فى الثلاثاء 08, يوليو 2008 , 18:23 ain shams
جاااامده جدا على فكرة انا لازم اقرا كل مقالاتك بعد كده يا ريت تكتب كتيرررررررررررر :grin :grin :grin :grin :grin
كتبه زمالكاوي فى الثلاثاء 08, يوليو 2008 , 08:05 حمره يا قوطه
حمره يا قوطه
كتبه ديكو فى الأحد 06, يوليو 2008 , 09:51 AHO GEH
" أجوجو جالكو خبوا عيالكوا" ولا أذيع سراً أننى أصابنى الرعب من هذا الأجوجو لأنه مخيف فى الصور بما بالك فى الحقيقة "
اهو جه فعلا يا روح خالتك ، زمانك شخيت على نفسك خلاص :grin
كتبه Zmlkawy فى الأربعاء 02, يوليو 2008 , 07:56 Zmlkawy
ll asf enta tl3t ragel fakes ya basha
a2ra el link da kda
?loc=news&id=4808&mid=
كتبه يسرى المليجى فى الأحد 29, يونيو 2008 , 00:15 حلوان
فى البداية تحية من القلب للاخت الرائعة سارة على كلماتها الرائعة الرزينة العاقلة واضم صوتى لصوتها نحن جماهير دولة الاهلى لم ولن نسمح لاى انسان ان يمس مجلس ادارتنا بكلام جارح وانا مازلت متاكد بان هذا القرار فى مصلحة الاهلى ولكن مع توضيح الامور ومع بيان مجلس الادارة ومعرفة الاسباب والدوافع التى ادت لاتخاذ هذا القرار ولا اريد ان نتعجل فى اصدار الاتهامات والا ما الفرق بين جمهورنا الراقى وباقى الجماهير التى تتسم بالغوغاء وقلة الادب مع ناديها ولاعبتها افيقوا يا احباب الاهلى ولا تتسرعوا فتصبحوا على ما فعلتم نادمين وفة النهاية يظل الاهلى فوق الجميع 0 واللى بيحب حد مايسبوش ولكم جميعا تحياتى ويحيا الاهلى
كتبه ahlawy 4 ever فى السبت 28, يونيو 2008 , 15:20 الله عليك تسلم اديك
مقاله جامده طحن:grin انت يا محمد بجد شرف لكل الاهلويه لانك كاتب جامد بس احنا عايزينك تكتب عن شيكا والكومى والناس اللى انت عارفهم
كتبه نداء لجماهير الاهلى الوفيه فى السبت 28, يونيو 2008 , 12:31 طنطا - الغربية
8)بصراحة موضوع الاشتغالات ده جميل جدا بس ليا تعقيب صغير على التعليقات اللى بتهاجم مجلس ادارة الاهلى احسن مجلس ادارة فى مصر وباعتراف كل الناس الاعداء قبل الاصدقاء ما فيش مجلس مستقر زيه فى مصر والوطن العربى وبالنسبة لحسنى والحضرى فهم ما ينفعش يخلوا لعيب كورة يلعب غصب عنه للنادى الكبير والعظيم واللى عمره ما هيقف على لعيب واحد او حتى فريق بالكامل وانا مع قرار النادى واللى حط مصلحة مصر فوق مصلحة النادى وهو ده نفس اللى كان صالح سليم هيعمله مش بس عشان استقرار المنتخب لا وكمان عشان الاهلى يركز فى البطولات اللى جايه ان شاء الله وعشان كده برفع نداء للجماهير الوفية تقف جنب الادارة وما تبقاش زى التانيين
كتبه Zamlkawy فى السبت 28, يونيو 2008 , 04:42 Alex
walahy ya 3am m3a eny zmlkawy gedan bs d7akt mn kalmak w enta walahy 3ndak 7a2 fel bt2olo enta ah btetrya2 w kol 7aga w de m3rofa bs enta ll asf kalmak sa7e7 kolo bzat de
ممدوح عباس وأحمد توفيق : ( أبو لمعة والخواجة بيشو )
gamda de walahy
bs isa el zamalek hyzbat 7alo w htro2 we t7la
zmlkawy bay2ol yarab :d
كتبه m_memoo فى السبت 28, يونيو 2008 , 01:42 cairo
بجد بجد جميله جداااااا يا أ/ محمد
ننتظر المزيد
كتبه محمود فى السبت 28, يونيو 2008 , 01:13 بورسعيد
معلش رئيس نادى الذماللك استنا المهندس عدلى ياخد اجوجو منة لكن المهندس عدلى القيعى خذلة :roll
كتبه عادل عبد المجيد فى الجمعة 27, يونيو 2008 , 22:56 ص ب 805 الجبيل 31951، السعودية
أشكركم على المقالات الرائعة، لكن فيه مشكلة أن مقالات موقعكم وموقع ahly.com بتنقل بالحرف على مواقع أخرى، بدون الإشارة إلى المصدر، وهذا يدل على استسهال الناس بدلا ما تتعب نفسها في الكتابة، ويدل أيضا على أن مايكتب في مواقع الأهلي أقيم كثيرا مما يكتب في صحف الهم والحزن والولولة، يا ريت تشوفو حل لحماية الحقوق وشكرا.
كتبه معتزبالله رمضان عبدالفتاح فى الجمعة 27, يونيو 2008 , 21:35 الغربيه طنطا
ربنا يكتر اشتغالاتك ويعطيك علي قد نيتك ويخليك لينا يا رب وتفرحنا دايما في حبايبنا قصدي بحبايبنا
كتبه Ahmed فى الجمعة 27, يونيو 2008 , 17:14 مقال اكتر من ممتاز بكتيير
بصراحة ده من افضل المقالات اللي قراتها بصراحة في الجون
كتبه lovely boy فى الجمعة 27, يونيو 2008 , 15:19 حرام عليكم منكم لله
بهدلتوا عصام الحضرى مش ده الى جابلنا بطولات كتيييييييييييير جدا حرام عليكم سيبوه فى حاله بقى حسبى الله ونعم الوكيل فيكم انتوا مينفعش تكونوا اهلاويه و لا حتى تشجعوا السكه الحديد منكم لله و طبعا مش حتنشروه انا عارف علشان ماتبينوش للناس الحقد و الغل الى فيكم و بقولها تانى منكم لله
كتبه esmail فى الجمعة 27, يونيو 2008 , 12:17 المنصورة
كلام واقعي 100% ومجهودك واضح
ولكن الكلام ده مش محتاج سخريه هو لوحديهم مسخره( اسف لكل زملكاوي)بس ديه حقيقه
وعشان كده انا زعلان من كاتب الموضوع
بلاش السخريه زياده عن الزوم
لازم نبقى احنا الافضل عقلانيه واهلاويه
والفرق واضح بينا وبينهم
مش محتاج سخريه
وبصراحة هما مش نقصين دول جالهم كل امراض الدنيا منسكر وضغط وخلافه
كتبه دم/رامى عادل فى الجمعة 27, يونيو 2008 , 08:02 القاهرة
كانتن محمد
مقال رائع رائع رائع
لقد أوصلت المعلومات الغزيره .... وإستخرجت الإبتسامه العسيره..وجعلت العقل يفكر وينشط ويتحرك ويتأمل ويستنبط
بعد قرائتى لهذه المقاله .. أجبرتنى على قرائة كل مقالاتك السابقه
اراك كاتب مبهر مبشر واعد نادر ..لك فكر عميق فى كلماتك
أتمنى لك كل التقدم ..
كتبه sara ali فى الجمعة 27, يونيو 2008 , 07:30 رائعة............الاتحاد قوة ياأهلاوية
بجد مقال تحفة
ضحكتنى من قلبى واللهى يا أستاذ محمد
بس انا نفسى تهتم بموضوع الحملة الخايبة اللى معمولة ع حسن حمدى والخطيب
بجد انا مذهولة من اللى قريته على المواقع الاهلوية
دى مهزلة وبجد عيب علينا :cry
يا أستاذ محمد من امتى وجمهور الاهلى بيدخل فى قرارات وسياسات النادى ومن امتى واحنا بنشكك فى ولائهم وأخلاصهم
ازاى يصل بنا الحال لنطلب من مجلس ادارتنا الاستقالة
كده يبقى ايه الفرق بينا ونين الجماهير التانية اللى بيتحكموا فى مصير النادى
زى بالضبط ما المجلس بيحاسب الجهاز الفنى بالموسم احنا لازم نحاسبهم فى نهاية فترتهم ونشوف الحسنات والسيئات
لكن الردح على المواقع مش طبعنا.
ايه احساس الاعبين دلوقتى لو شافوا الانقلاب السريع منا على مجلس الادارة لمجرد خطأ وصدقونى غير مقصود
طبعا هيحسوا ان احنا زينا زى اى جمهر هوائى وغدار وسريع الانقلابأرجوكم بدل ما نعمل حملة لتهديد المجلس وتفتيت صفوفنا
يا ريت نكون هادئيين ونقوم بأرسال شكوانا بأدب وأحترام لمجلس ادارتنا
ولا تنسوا ان الاهلى فوق الجميع
كتبه على التمساح فى الجمعة 27, يونيو 2008 , 05:03 ولو انى زعلان
بسم الله الرحمن الرحيم وبه نستعين والصلاة والسلام على انبياء الله ورسله اجمعين وبعد لقد ارسلت تعليقات للموقع على مواضيع عده ولم تنشر تعليقاتى ولاأدرى لماذا وليس بهاأى اسفاف وعلى الخروج عن الأداب والروح الرياضيه ولى تعليق على هذا الموضوع أولا أشكر الأخ محمد يسرى لقد اضحكتنى يا فتى(مع الأعتذار لعمنافؤادالمهندس)ولكن من ناحية موضوع عبدربه علينا أن نتروى حتى نرى ماتعليق الأدارة ولا ننساق خلف كدابين الزفه(صحفيي ذلك الزمن)لأن كل همهم الوقيعه بين الجمهورالعظيم والأداره الواعيه لأنهم لم ينالوامن النادى ولامن الجمهورالعظيم فلا تعطوالهم الفرصه حتى لاينالوامرادهم واكرر أرجومن ادارة اجمل موقع النشر :gri :grin :grin
كتبه sara shahien فى الجمعة 27, يونيو 2008 , 02:58 يا خسارة
مقالك بصراحة رائع سواءالمقال ده او الاول بس فى المقال كان فى اشتغالة ناقصة ... و هى اشتغالة النادى الاهلى لجمهوره فى موضوع حسنى عبد ربه و مكانتش اشتغالة ده كان قفا زى بتاع الحضرى كده ... الله يرحم صالح سليم كان بجد علمنا يعنى ايه معنى كلمة اشتغالة بس على حق
كتبه تامر هانى فى الجمعة 27, يونيو 2008 , 01:35 ههههههههههههههههههههه
ههههههههههههههههههههههههههههههه يا لهوى انا مش قادر امسك نفسى انا كل يوم على الموقع اكيد وكل مواقع الاهلى بس طريقة التعليق هنا فيها صعوبة شوية لكن حبيت اعلق واقولك تسلم ايدك مقالة جامدة موت :grin :grin :grin :grin
كتبه akram فى الجمعة 27, يونيو 2008 , 01:01 الى محمد يسرى
انت جامد اوى والله
قفشاتك و اشتغالاتك زى العسل
و انا شيفك بروفشنل
جامد والله و ليك مشتقبل
كتبه SmsmBahraini فى الخميس 26, يونيو 2008 , 22:45 نشنت يافالح
بصراحه مقاله روعه تسلم ايدك

صحيح الكبير كبير

كمان في مثل يقولوه اذا جائتك الضربه من الخلف فعلم انك في المقدمه
كتبه محمود أجوجو مرزوق فى الخميس 26, يونيو 2008 , 20:12 اشرب يا زمالك
اشرب اشرب يا زمالك الأهلي طريقه سالك حلع اجوجو وزاكيروني ولو خدتوا الدوري فكروني خلع سري دي وأمير يا زمالك يا فريق الحمير
كتبه ميدو فى الخميس 26, يونيو 2008 , 19:36 EGYPT !
بجد ابداع
تسلم يا معلم
كتبه khaled bar فى الخميس 26, يونيو 2008 , 18:35 alexandria
كفاية حرام عليك الضرب فى عباس حرام
كتبه yoyo el-ahlawy فى الخميس 26, يونيو 2008 , 18:30 مقال جامد كييييييييييييييك
المقال ده جامد موت بس انت نسيت تقول حاجه عن شيكابيكاوياريت تكمل بمقال تانى بنفس الاسم
كتبه اهلاوى حتى النخاع فى الخميس 26, يونيو 2008 , 18:23 الواد مسك التشرت
:p :p :p الواد اجوجو مسك التشرت هههههههههههههههههههههه
كتبه محمد رشدي فى الخميس 26, يونيو 2008 , 16:05 الله يفتح عليك
انا اول مره اقرا الاشتغالات دي بس بجد جااااامده.....ياريت تكمل بس ركزلنا علي موضوع عبدربه وموقف اداره الاهلي المخزي شويه....والله يرحمالمايسترو بجد مفتقدينه
كتبه ابوالمجد النيدانى فى الخميس 26, يونيو 2008 , 15:57 ديروط_بيت ابراهيم النيدانى امام الترعة
[u][i][b]والله العظيم انت راجل وياريت نشوف المفلات دى كل يوم ربنا يقويك(ابوالمجد ابراهيم النيدانى)[/b][/i][/u] :grin
كتبه eslam morsy فى الخميس 26, يونيو 2008 , 15:45 zagazig
تسلم ايديك جميله جدا
كتبه Yosry فى الخميس 26, يونيو 2008 , 15:22 انت عالمي
اولا انا اسمي محمد يسري زيك تاني حاجة انت فعلا مكانك تكتب يجانب الموقع طبعا في احد اكبر الجرائد اليومية لانك فعلا تستحق ده وعايز اعرف ايه موقف جمهور الاهلي من مجلس الادارة لان بصراحة لو صالح موجود مكنش حد قدر يقولو تلت التلاتة كام لانو فعلا رفع شعار الاهلي فوق الجميع دون الخوف من احد
كتبه zezo فى الخميس 26, يونيو 2008 , 15:00 يا ترى ايه العلاقة؟؟؟؟؟؟؟؟؟؟؟؟؟
اولا بجد موضوع جميل جدا و نتمنى الاستمرار
ثانيا فى شخصية مشتركة موجودة فى صورة أجوجو و زاكورانى و لابسة نفس البدلة و لازقة فى صاحب الصورة بطريقة غريبة يا ترى ده واحد عايز يصور و ايه علاقته بفشل الصفقات
كتبه bassem فى الخميس 26, يونيو 2008 , 14:48 0104641660
جامد فشخ المقال دا
كتبه Ashraf فى الخميس 26, يونيو 2008 , 13:57 تحية من القلب والعقل
بداية أتقدم لكاتب هذا المقال بتحية من القلب والعقل
من القلب نظراً لحبي الشديد للنادي الأهلي وكل من يكتب عما يخصه بإخلاص أماالتحية من العقل فإنه بالرغم من أن اهتماماتي السياسية تزيد قليلاُ عن الرياضية إلا أن الكاتب استطاع بحرفية عالية تمكنه من الكتابة في مجالات غير الرياضة أن يستخدم العديد من الاسقاطات في الكتابة توضح الرأي بمنتهي الوضوح بالإضافة إلى روح الفكاهة العالية التي تجتذب القارئ وهي ميزة يحتاجها الكثيرون من الكتاب في مصر بمختلف تخصصاتهم .
كما أن استخدام عدد من الأفلام ( بمحتواهاوأبطالها) اعتبره نجاح وامكانية فذة في التعامل مع الموضوعات .
وفي النهاية أتمنى للكاتب المزيد من التقدم
كتبه هشام السوري فى الخميس 26, يونيو 2008 , 13:45 الاسكندريه
كلام واقعي 100% ومجهودك واضح
ولكن الكلام ده مش محتاج سخريه هو لوحديهم مسخره( اسف لكل زملكاوي)بس ديه حقيقه
وعشان كده انا زعلان من كاتب الموضوع
بلاش السخريه زياده عن الزوم
لازم نبقى احنا الافضل عقلانيه واهلاويه
والفرق واضح بينا وبينهم
مش محتاج سخريه
كتبه محمد الاهلاوى فى الخميس 26, يونيو 2008 , 13:36 مصر
:grin انا مش عارف اقولللك ايه انا اساسا واقع من الضحك بجد بررررررررررررررررررررررررررررافو عليك ومستنين احسن بس اوعى تشتغلنا :zzz
كتبه mo7a فى الخميس 26, يونيو 2008 , 13:32 mo7a
برافو بارفو برافو برافو
بجد الله ينور
كتبه rere فى الخميس 26, يونيو 2008 , 13:01 hfgggggggg
ssssssssssssssooooooooooooooooo wonderful
:grin
كتبه SAMY فى الخميس 26, يونيو 2008 , 12:58 برنس
والله يابنى انتى برنس طول عمرك ممكن تضفنى على اميلك ويبقالى الشرف
كتبه mo'men فى الخميس 26, يونيو 2008 , 12:42 ya gaameeeeeeeeed
:grin makal gamed awyyyyy ya mohamed yosry bgad to7fa ya
كتبه hisham elfeky فى الخميس 26, يونيو 2008 , 12:18 جامدة يا ريس
أضفت ابتسامة علي وجوهنا بعد الموضوع المهبب اللي الواحد بيمر بيه مع ادارة الاهلي


أتحاد الكرة : (عمارة يعقوبيان)
التعليق دا عايز موضوع لوحده يا ريس منتظرينه منك
كتبه Ahmed Fouad فى الخميس 26, يونيو 2008 , 12:03 jeddah
100%
انت قولت الى كل اهلاوى عايز يقولوا
ومجلس إدارة الاهلى لازم يمشى يروح الاسماعلية
كتبه أحمد حمزة فى الخميس 26, يونيو 2008 , 11:48 ارحمنا يارب
يا عمنا شبعنا اشتغالات منك انت كمان ... عارفين انك بتحب الأهلى موت ويمكن اكتر مننا ... لكن مش بالشكل ده تكون الكتابات.. حرام عليك انت تشتغلنا كده وناس كتير هتسمع كلامك وتبقى اكتر تعصب ... طبعا مش هتنشر الكلام ده زي مصير اللى قبله بس حبيت اقول لك رأيي برضه ويوصلك
كتبه م/على محمود على فى الخميس 26, يونيو 2008 , 11:38 مصرى يعيش فى ابو ظبى
هو دة الزمالك ....................دلع عينى دلع اجوجو عملها وخلع
كتبه وائل فتحى فى الخميس 26, يونيو 2008 , 10:11 cairo
:
زلومة الأقرع ميعرفش أخوه gamdaaaaaaaaaaaa gdaaaaaaaaaaaaaaaaaaaaaaaaaaan
كتبه دكتور عواد فى الخميس 26, يونيو 2008 , 09:36 مبدع
[b]ايه يااعم الاستذة دى

بجد تسلم ايدك

مقال للتاريخ [/b] :eek :eek
كتبه ايمن فى الخميس 26, يونيو 2008 , 09:01 استراليا
الاستاذ كاتب المقال مفكر دمه خفيف!!!!!!!!!!!!!!!!!! المقال ليس له اي معني كان مشكلنا محلوله مفضيلشي غير مشاكل عم عبدربه والحضري وغيرهم والبطالة والفساد في كل شبر من ارض مصر!!!!!!!!!!!!!!!! يا تري هاتنشروا التعليق ولا ؟؟؟؟؟؟؟؟؟؟؟
كتبه SPANISH EYES فى الخميس 26, يونيو 2008 , 09:00 CAIRO 2008
والله مقال جامد اخر حاجه وانتا بجد بتقول كل الحقيقه اللى حصلت وتسلم على كلامك الرائع ده
*الإسم :
*البريد الإلكترونى :
عنوان التعليق :
 
*التعليق :
*أدخل الحروف :
Refresh/Change Picture
  Add Your Comment