وائل جمعة: الحكم جامل المغرب التطواني

ياكابتن عيب عليك واحترم عقولنا شويه .. حكم ايه بس اللي كل ماتش تتحججوا بيه انت والفاشل جاريدو؟! .... طول عمر الاهلي بيتظلم من التحكيم بس بياخد بطولات ولما يتلغيله جول بيجيب مكانه اتنين تو تلاته مش يطلع يعيط بعد الماتش ! ... كل ماتش الاداء زي الزفت واسوأ من اللي قبله .... ياريت تحترم تاريخ وتستقيل اشرفلك

حكم ايه يا كابتن وائل اللي جامل الأهلي , بصراحة شديدة وبدون عنصرية الواحد بيخاف لما بنلعب في افريقيا والحكم يكون من افريقيا السمراء بس الحكم ده اكثر من رائع وكان محايد تماماً.
أتفق تماما مع أ/محمد عمارة فيما كتبه
واضيف عليه: يجب اقالة جاريدو الغير موفق واستبعاد الفاشل دائما علاء عبد الصادق

ياكابتن وائل عيب الكلام ده على أى اساس كلامك وشريف حازم طالع على النت يعتذر عن لمسة اليد ويؤكد الصعود للمجموعات كل ده على شان محدش يقول ويعترف بفشل المدرب وقطاع الكره بالكامل
الحل الوحيد فى عودة لجنة الكره برئاسة الشيخ طه إسماعيل وعضوية كلاً من كابتن خالد بيبو ووليد صلاح الدين وسيد عبد الحفيظ مع ترتيب الاقدميةوده راى انا المتواضع ياابو الكباتن قول الحق ولو مرة واحده فى جاريدو الفا.........
اما بالنسبه للاعبين منهم عبدالله السعيد لو مش هايهين نفسه شويه ويجرى على الكره فى الدفاع والهجوم ياريت يمشى ويريحنا
حسام غالى ياريت يمشى
رمضان صبحى وبامبو ورشدى ياريت يلعبوا
اما الهجوم متعب أو عبدالظاهر واحد فيهم اساسى مهاجم صريح والبديل سعيدو او ايبى
اما المعجزة الفزه هيندريك من الى جابه مستشفى النادى الاهلى ينضم لخيرى وستو اقصد جدو
ورحيل لو مشمحتاجه يمشى ويجى مكانه ايمن اشرف..........وشكرا ياكابتن وائل