خالد الغندور يتوعد جماهير الأهلي: المفاجآت قادمة

وجه خالد الغندور لاعب الزمالك السابق رسالة لجماهير النادي الأهلي في ظل الصراع الدائر على لقب القرن الأفريقي.

وكتب الغندور عبر صفحته على الفيس بوك قائلا “لما تيجي تعمل فوتو شوب ليافطة لازم تاخد بالك ان شعار الزمالك موجود في اليافطة اللي تحت و علي العموم لما تتعب و تزور جواب ممضي من معاذ حجي اللي رحل عن الاتحاد الافريقي و تنزل يافطة مش حقيقية تعرف علي طول ان نادي القرن اللي من ٢٠ سنة مزعلك الكلام عنه و كشف الحقايق و المعايير المضروبة زي الجواب و اليافطة بالظبط”.

وأضاف “أوعي تفتكر ان الشتيمة و الكلام علي الفاضي و الكتايب الإلكترونية بتجيب نتيجة مع اللي قرر يتكلم عن قضية ظلم فيها و المفاجآت قادمة”.

وتابع “اخيرا اللي قرر يشتم و يتكلم علي الاعراض و الشرف و اللون يتحمل نتيجة كلامه علي حسابه الشخصي و اوعي ييجي يعيط و يقول مش قصدي اشتم اصل الامثلة كثيرة“.