fbpx
الخميس , 28 مارس 2024

عمرو أديب يصيح على الهواء بسبب انتخابات الزمالك.. ويؤكد: منظر مقزز لنادي مديون

أبدى عمرو أديب الزملكاوي ومقدم البرامج، حزنه الشديد واستياءه الشديد بسبب ما بدر من مواقف غير موفقة في نادي الزمالك أثناء الانتخابات، وحضور الجمعية العمومية.

 

وأضاف أديب في برنامجه “الحكاية” عبر شاشة “إم بي سي مصر”: “إيه المعضلة في الموضوع، شوفنا انتخابات تانية زي الفل، والدنيا ملهاش أي حس، هو فيه إيه علشان نتخانق عليه”.

 

وأشار الإعلامي الشهير بالانتماء الشديد للزمالك، إلى أنه من المفترض أن الزمالك جماهير الصفوة، وأن ما حدث في الانتخابات لا ينم بأي حال من الأحوال على احترام المنافسين لبعضهم البعض.

 

وأوضح أديب بحزن شديد، أن المنافسة لم تكن حامية الوطيس لهذه الدرجة السافرة التي وصلت لها الجمعية العمومية من سب وقذف، وأنه لو هذه المنافسة في الانتخابات الرياضية بهذا الشكل يبقى “على الدنيا السلام”.

 

وتابع: “إيه الحلاوة والبسبوسة والجاتوه في الموضوع علشان يحصل اللي حصل، ونسمع ألفاظ، وأنا هطلع وأنا هنزل، وكلام غير معقول على الإطلاق، مش عارفين نفتح الصوت حتى لا نرى كل هذه المهاترات”.

 

إقرأ أيضاً:

الأهلي يدخل في مفاوضات مكثفة مع شبيه عمرو السولية واللاعب يبدي موافقة على الرحيل في الصيف

 

واستطرد: “إنت لو تشوف الست اللي اتضربت وشكل الورق اللي في الأرض، إيه اللي بيحصل ده، ده شكل انتخابات، هيكسب اللي هيكسب إنما المنظر والله مش مشرف خالص، لا للرياضة، مصر متشيلش الكلام ده”.

 

وشدد مقدم البرامج، إلى أن نادي الزمالك “مش لاقي يآكل”، ومش قادر يقف على رجله سواء سليمان كسب أو مرتضى كسب، موضحاً أنه ليس مانشستر أو آرسنال، وأنه مليء بالأمور المغلوطة.

 

وتابع: “إوعى تقولي إن دول أعضاء نادي الزمالك، عمرنا ما شوفنا أعضاء بالشكل ده، شوفنا الجزيرة والأهلي والصيد وكل الأندية الأخرى كانت باشا وهانم والست المحترمة والأب والابن”.

 

وأوضح أديب، أن ما حدث اليوم هل يتيح انتخابات نزيهة؟ معرفش، وهل هي الفكرة إن اللي يكسب حاجة يآخدها حلال عليه بأي طريقة كانت؟!

 

وشدد الإعلامي الزملكاوي، على أن محدش ميقدرش يتكلم، ولكن أنا مبيهمنيش أبداً، إزاي النادي اللي بحبه طلع شكله كده أو يطلع شكله كده، هذا لمصلحة مين؟ ليس لمصلحة أحد الخروج بهذا الشكل الغريب جداً.

شاهد أيضاً

مفاجأة مدوية ومثيرة من مارسيل كولر لمحمود كهربا قبل مواجهة سيمبا التنزاني

لا صوت يعلو فوق صوت مباراة الفريق الأول لكرة القدم بالنادي الأهلي، ونظيره سيمبا التنزاني، …