الخبير يحذر الأهلي من هذا الفخ في لقاء العودة!

كلام الاخ محمود صحيح مليون في المية / بس انا حاسس ان اهتزاز المستوى سببه خوف محمد يوسف نفسه انه ماشي في اي وقت

اي فرقه قويه عايزه ايه ؟

مهاجمين ممتازين يخلصوا الهجمات صح وفي الجول
مدافعين طوال وصغيرين سنا واقوياء البنيه
خط وسط هجومي ودفاعي يكون علي كفائه وقدره عاليه من المهاره والتركيز والخبره

احنا لا عندنا مدافعين بالمواصفات دي ولا مهاجمين الا عمرو جمال ولا كمان عندنا خط وسط لا هجومي ولا دفاعي


الاهلي بس عنده باكات يمين وشمال كويسه جدا غير كده لا والف لا والله العظيم لا ومش بحلف باطل. فين المهاجمين ؟؟؟؟ السيد حمدي ؟ احمد رؤوف ؟ متعب اللي مش موجود من 3 سنين ؟ مين قولولي ؟؟ ها فاضل مين ؟ وعبد الظاهر اهو مشي ويا رب يرجع

فين الدفاع طيب ؟؟؟؟ وائل جمعه دفاع ؟ الراجل ده ادي الاهلي كتير اوي بس لحد كده وهيبتدي يضيع تاريخه , مين تاني ها ؟ ربيعه و نجيب دفاع ؟ ممكن نقول علي شريف عبد الفضيل ماشي كويس لكن الباقي برضو لااااااااااااااااااا

خط الوسط فقد كتير من قدراته فقد 60 % وفقد الروح والدم والعزيمه وكله .


الحل اللي انا شايفه منطقي وواقعي :
-----------------------------------

1 - احمد رؤوف ده هو والسيد حمدي مع السلامه ونجيب مكانهم احمد حسن مكي و مهاجم مصري تاني يكون هداف وهيدرز مع رجوع عبد الظاهر ومتعب هيكون الموضوع تمام

2 - الدفاع جمعه يعتزل ونتعاقد مع 2 مدافعين طوال واقوياء البنيه

3 - الافارقه سيسيه وجيبور ييجوا بأي ثمن

4 - خط الوسط حفني مع فتحي ويادان والسعيد بس يركز هيبقي تمام

5 - وده الاهم ( مدير فني ) مع احترامي للكابتن محمد يوسف .


ده هو الحل واي حل غير كده ونلصم في الفرقه بقي يبقي بنكدب علي بعض .


وشكرا ؛؛؛

مارايته الان وامس امام فرق ضعيفة وهزيمة الاهلىلايدل الاعلى شئى واحد ان هؤلاء الاعبين فقدوا اهم عنصر وهو الروح القتالية التى كان الاهلى اكبر فريق يتمتع بها وهناك عدم قراءه للفريق المناسب وذلك يدل على ان المدرب غير قادر على التفكير كل الاهداف صورة متكرره واخطاء شاذة لايرتكبها الالعبين قليلين لذا ارجو من ادارة الاهلى وفورا تقديم الشكر لمحمد يوسف واقلتة عدم التجديد لكل من حسام عاشور -السعيد-منجة-رؤف- شكرى -ومتعب- وسرعة دعم الفريق بلاعبين متميزين وليس هؤلاء ارجوكم قبل فوات الاوان