قفشة يفتح النار على كيروش ويكشف سر خناقة سليمان وإبراهيم وحقيقة خلافه مع نجم الزمالك

كشف محمد مجدي قفشة لاعب الفريق الأول لكرة القدم بالنادي الأهلي، عن سبب استبعاده من قائمة منتخب مصر بكأس الأمم الإفريقية.

 

وكان البرتغالي كارلوس كيروش المدير الفني، استبعد قفشة من قائمة الفريق النهائية قبل التوجه إلى الكاميرون للمشاركة في البطولة المقامة حاليًا وتستمر حتى 6 فبراير المقبل.

 

وأوضح قفشة، أنه لا يعرف السبب الخفي والرئيسي في استبعاده من قبل البرتغالي كيروش المدير الفني للفراعنة، من قائمة كأس أمم إفريقيا.

 

 

وحل نجم الأهلي ضيفًا على برنامج “كلام الناس” عبر قناة “إم بي سي مصر” حيث قال “معرفش كيروش مستبعدني ليه، ولا أعرف أسباب استبعاد طارق حامد، لكن أكيد وجهة نظره”.

 

وتابع: “معرفش الكلام إللي بيتردد يقول إن طارق حامد مبيرضاش يقعد دكة في المنتخب، معرفش الكلام ده منين بتواصل مع طارق حامد دائمًا”.

إقرأ أيضًا

 

15 لاعب.. غيابات بالجملة عن الأهلي بشكل رسمي بمونديال الأندية

وأضاف: “أول أمس آخر كلام بينا لأنه أخويا الكبير وممكن نكون في إعلان سوا مع بعض أنا وطارق حامد وعماد متعب قريب جدا، وطارق رجل جدا ولعيب جدا، لو فيه سبب أعرفه بشأن استبعادي هقول ولكن الكرة مش هتقف على حد بالنسبة لي”.

 

وتابع اللاعب: “بالنسبة لطارق حامد في المنتخب فيه ناس كتير مش بتروح، والمنتخب بيكسب والعكس عادي، والأمر طبيعي”.

 

وتحدث اللاعب خلال وجوده عن خلافات وليد سليمان وياسر إبراهيم ثنائي الأهلي قال: “مينفعش أصلح ولا اعدل لأن أنا الصغير الاتنين أكبر مني لو ينفع أعمل حاجه أعملها وأصلح وكده لكن الموضوع مفيهوش حاجه نرفزة ملعب واتصالحوا عادي، ونرفزة الملعب دي واردة جدا، احنا عايزين لاعب الكرة ساكت أنا مش بعترض دايما هل لو شوحت في ماتش او اعترضت على الحكم هل كده غلط ده ماتش عادي”.

 

واختتم: “أنا بحب كابتن حسام حسن جدًا، وهو بيحبني أنا نفسي اتمرن معاه تاني خلال الفترة الجاية ولكن موضوع المنتخب معرفش بصراحة مينفعش أرد فيه”.

 

ويستعد اللاعب في الوقت الحالي مع فريقه، لخوض نهائيات كأس العالم للأندية بالعاصمة الإماراتية أبوظبي، بالفترة من 3 فبراير حتى 12 من نفس الشهر.