مرتضى منصور في مهب الريح.. طريد الفريق يرفع قضية ضد الزمالك في الفيفا

فجر مرتضى منصور، رئيس نادي الزمالك، مفاجأة من العيار الثقيل لجماهير القلعة البيضاء، ودخول النادي في مشكلة جديدة الفترة القادمة بسبب احد اللاعبين الأجانب.

ويبدو أن ملف الزمالك “الأحمر” في الاتحاد الدولي لكرة القدم “فيفا” سيمتلى بالقضايا الفترة القادمة، بعد إعلان مرتضى منصور الحرب ضد اللاعبين الذين تنتهي عقودهم هذا الموسم، ودخول الزمالك لمعترك المحاكم والقضايا من جديد.

 

وكشف “منصور” عن مطالب محمد أبو جبل حارس مرمى الفريق من أجل تجديد تعاقده وهو الحصول على 32 مليون جنيه في الموسم، متابعًا: “أبو جبل اللي دعمناه ووقفنا جنبه عشان المنتخب بيتمرد علينا وعايز يروح النصر”.

وأضاف: “أبو جبل قبل ماتش الوداد طلب مني ياخد جواز السفر عشان يسافر السعودية يروح يصور حلقة مع رامز جلال، لكن انا عارف انه عايز يروح النصر، وبعد كدا نزل صورته امبارح مع المسئول السعودي”.

وأكمل: “أشرف بن شرقي قالي والدتي تعبانة ومريضة وأخويا فى المطار هسافر لهم، وطارق حامد جبته من سموحة بـ500 ألف جنيه، دلوقتي عايز 25 مليون جنيه”.

وذكر مرتضى منصور، أن المغربي محمد أوناجم، لاعب الفريق رفع قضية على النادي في المحكمة الرياضية “كاس” بيطالب بمستحقاه المتأخرة، “أنا مش عايزة في الفريق وهيمشي أخر الموسم”.

وأستطرد: “أوناجم بيرفع قضية على الزمالك، نسيت لما قولت أنا جاي أنا وبن شرقي عشان نعمل مجد في الزمالك رغم إن فلوسك عند اللجنة اللي فاتت”.

وتابع: ” بقول لسيف الجزيري، نت بتاخد 300 ألف في طنطا وفي المقاولون بتاخد مليون”.

وتساءل مرتضى منصور: “لماذا لا يضم النصر السعودى محمد الشناوى من الأهلي، وليه متخدش ابن شوبير ده جون عملاق”.

وأكد أنه لن يجدد لأى لاعب عقده ينتهى مع نادى الزمالك بنهاية الموسم الجاري، متابعًا: “كل اللاعيبة اللي عقودها هيخلص مش هجددلهم، وانا اخدت القرار دا قبل الماتش اللي فات ولو كنت قولت عليه كانوا هيجموني ويتهموني اني بوقع الفريق”.

ووجه مرتضى منصور رسالة لجماهير الزمالك: “بعتذرلكم عن كل الأخطاء اللي حصلت وببوس دماغ كل واحد فيهم بسبب المستوى السيء والتطاول من بعض اللاعبين زاي أبو جبل ومحمود علاء، لكن مفيش حد هيفلت من العقاب”.

وأتم، رئيس الزمالك: “احنا استلمنا 3 فرق في النادي مش فريق واحد، ومن الاخير مش هجدد لطارق حامد ولا عايزين بشرقي ولا هجدد لأبو جبل ولا أوناجم، وهنعملهم حفل تكريم وشكرا مع السلامة”.